Денес екипите на “Јавна хигиена” при “Ј.П. Охридски Комуналец” после невремето проследено со силен ветар и бранови извршија расчистување на кејот од пристаништето до хотел “Милениум” при што беа подигнати 5 трактори на комунален отпад. Дел од отпадот беше исфрлен на самиот кеј, а дел се вадеше од езерото со вили каде што беа активирани 12 работници.

На потегот од Лагадин до кампот Елешец се чистеше комунален отпад исфрлен од несовесни граѓани и донесен од езерото и сува трска.

Зголемените температури и врнежите на дожд во изминатите неколку дена придонесоа вегетацијата на тревата низ градот да нарасне со зголемено темпо, така и службите на “”Ј.П. Охридски Комуналец” започнаа со тековно уредување на улиците и парковите со косење на истата. Изминативе неколку денови се косеше на неколку локации каде беше опфатен стариот дел на градот, булеварот “Туристичка”, улиците “Бистрица” и “Шар планина” и покрај кејот “Македонија”.

“Ј.П. Охридски Комуналец” по договор со “Хидробиолошкиот завод – Охрид” изврши чистење на делот кај трската на Мазија пред хотел “Милениум” каде што е засаден локвањот. Ангажирани беа 2ца работници кои од крајбрежниот појас со вили и гребла го отстрануваа пластичниот отпад, а од длабинскиот дел отпадот се отстрануваше со помош на кајче. Беше отстранета поголема количина на пластичен и комунален отпад а во наредните денови ке се отстранува трската која е откорната по природен пат, исто по барање на  “Хидробиолошкиот завод – Охрид”.

“Р.Е. Механизација” при “Ј.П. Охридски Комуналец” по налог на комунална инспекција вршеше расчистување на дива депонија на ул. “Петрино” после објектот на “Дооел Евергрин енерџи” на пошљунчениот пат каде што беа подигнати големи количини на градежен, градинарски, кабаст и комунален отпад. Оваа депонија, како и предходните е направена од страна на несовесни граѓани и покрај апелите на “Ј.П. Охридски Комуналец” до граѓаните да го депонираат отпадот на местата одредени за тоа и во термините наменети за истото.

Јавна хигиена при “Ј.П. Охридски Комуналец” вчера започна со чистење на ул. “Железничка” и ул. “15ти Корпус” затоа што заврши обврската на “Македонија пат” за зимско одржување на истите улици. “Ј.П. Охридски Комуналец” врши одстранување на абразивни средства кои беа употребени за заштита против мрзнење и голомразица, наноси од земја, песок и израсната трева помеѓу коловозите и тротоарите. Ангажирани се 2 екипи од кои 4ца работници на потегот од кружниот тек по 15ти Корпус до “Застава агп”, и 6 работници од кружниот тек до петљата на излезот од Охрид према Скопје.

По барање на комунална инспекција се расчисти шумата помеѓу двете патчиња кои водат до саат кулата каде што беше направена дива депонија предизвикана од несовесноста на населението. Ангажирани беа 10 комунални работници и беа подигнати околу 10 метри кубни кабаст отпад, градежен шут, депонирани електрични апарати и 2 трактори зелен отпад.

Повторно апел до граѓаните да не создаваат диви депонии туку да го депонираат отпадот на местата предвидени за тоа.

Денес работниците на “Јавна хигиена” при “Ј.П. Охридски Комуналец” беа вонредно ангажирани на расчистување на кејот на потегот од градското пристаниште, се до хотел “Милениум”. Се расчистуваа наноси на сува трска и комунален отпад донесени од невремето со засилен јужен ветар при што беа ангажирани 8 работници за метење и товарење, каде што беа подигнати 3 трактори на отпад.

Во изминативе неколку дена екипите на “Паркови и зеленило” при “Ј.П. Охридски Комуналец” почнаа со активности околу уредување на дрвата во градинките со сечење на израснатите гранки кои надвисуваа над објектите и коловозот.

Се чистеа тротоарите од израснатата трева.

Се садеа нови садници на кружниот тек кај Охридска Банка.

По налог на комуналната инспекција денес екипите на “Јавна хигиена” при “Ј.П. Охридски Комналец” ја исчистија десната страна покрај ул. “Марко Цепенков” во тревнатиот дел на потегот од поштата до пресекот со ул. “Момчило Јорданоски” паралелно со градската болница. Беа ангажирани 4ца работници и собрани околу 30 вреќи комунален отпад и кабаст отпад депониран од страна на населението.

Повторно апелираме до граѓаните да не го расфрлаат отпадот и да го депонираат  на местата предвидени за тоа.

“Ј.П. Охридски Комуналец” врши бесплатно подигање на кабаст отпад од дома, во термините одредени за истото.

За информации на тел. 046/265-353

Денес екипите на “Јавна хигиена” при “Ј.П. Охридски Комуналец” по налог на комунална инспекција расчистуваа на влезот на Охрид кај “петљата”, расфрлан и намерно депониран комунален отпад, при што беа ангажирани 4ца комунални работници.

Апелираме до населението да не создаваат диви депонии, отпадот да се депонира во депонија ако е во поголеми количини или граѓаните можат да се јават кај службите на Ј.П. Охридски Комуналец за подигање на истиот.

Денес екипите на Јавна хигиена при Ј.П.Охридски Комуналец спроведоа акција за чистење на локалниот пат на потегот од с.Косел се до селата Вапила, Сирула и Ливоишта. Оваа акција беше по налог на комуналната инспекција во соработка со месните заедници од истите села. Беа подигнати околу 30тина вреќи расфрлан комунален отпад.

Повторно апелираме до месното население да не го расфрлаат комуналниот отпад, да го депонираат на местата определени за тоа бидејќи благовремено Ј.П.Охридски Комуналец врши подигање на истиот во деновите одредени за тоа.

Со налог на комунална инспекција вчера екипите на Јавна хигиена при “Ј.П. Охридски Комуналец” извршија чистење на депонија создадена од околните куќи во населбата Гоце Делчев (под бараките). Ангажирани беа 4ца работници при што беше собран 1 трактор отпад.

Се апелира до околното население отпадот да го депонираат на местата наменети за истиот. Овие акции ги спроведуваме за подигнување на еколошката свест кај населението.