Екипите на “Паркови и зеленило” денеска започнаа акција за средување на дрворедот по ул.”7-ми Ноември” на потегот од поранешната фабрика “Отекс” до ОЕМУЦ.”Св.Наум Охридски”-Охрид. Постоечкиот дрворед од јавори , лево и десно од коловозот, ќе се санира со кастрење на крошните од дрвјата на кои ќе им се даде форма пред пролетното раззеленување и оформување, а ќе се создадат подобри услови во движењето на пешаците и возилата.

Оваа акција ќе се одвива етапно во текот на месец март и се реализира согласно Програмата за јавно зеленило за 2015 год. на територијата на општина Охрид.

По налог на општинскиот инспекторат се расчистува крајбрежниот појас на Охридско Езеро на потегот од западната страна од охридското Кале до вливот на р.Грашница. Езерските води на површина имаат исфрлено големи количини неразградлив комунален отпад: пластична амбалажа, најлони, како и хартија и друг вид отпад (ќе се подигнат 4 м3).ластична амбалажа, најлони, како и хартија и друг вид отпад (ќе се 3 отпад).

  Кај малото пристаниште пред х.Палас синоќешниот ветер од јужен правец натрупа големи количини отпад : трска и друг вид комунален отпад, кој се расчистува рачно од езерските води.

Се расчистува месноста Арбатица во с.Лескоец (патот кој води до манастирот “Св.Петар и Павле”) каде поради искршени багремови гранки е оневозможена нормалната проодност на патот . Оваа активност се извршува по налог на општинскиот инспекторат .

Денеска екипите на “Јавна хигиена” спроведуваат акција за генерално чистење на У.З.12″Гоце Делчев” (Бараки). Бидејќи сообраќајниците од оваа населба се вклучени во поприоритетните улици кои се одржуваат со Програмата за зимско одржување на територијата на општина Охрид за 2014/2015 год., темелно се метат јавните површини од наноси од песок и земја и се расчистува расфрланиот отпад.

Ј.П.”Охридски Комуналец” во пресрет на новата туристичка сезона 2015 год. постепено ќе ја обновува урбаната опрема на територијата на општина Охрид. Денеска се поставуваат 10 нови канти за депонирање ситен отпад на градскиот плоштад и новиот мал плоштад. Новите канти имаат поестетски изглед и функционалност, со поцинкувана внатрешна влошка со поголем капацитет.

Досегашните канти за ситен отпад ќе бидат дислоцирани на локации каде има потреба од овој вид на урбана опрема.

Екипите на „Охридски Комуналец„ денес спроведуваат акција за расчистување на јавните површини во с.Пештани. Се расчистува центарот на селото и улицата која води до основното училиште од наносите од земја, песок и чакал кои со силните врнежи беа слеани од планината кон пониските делови. Ангажирани се 4 работници и според наши проценки ќе се подигнат 4 м3 земја и друг отпад.

И во Пештани е евидентирано уништување на урбаната опрема каде од депониран запалив отпад е оштетена канта за депонирање ситен отпад.

Екипите на „Паркови и зеленило„ денес ги отстрануваат скршените гранки од дрвјата по ул.„Кузман Капидан„ (потег Горна Порта-Плаошник). Во овој дел од охридското Кале се врши санација на дрвјата кои претрпеа големи оштетувања од снежното невреме.

Измина само едно деноноќие откако беше забележан изгорен контејнер на ул.„Пере Тошев„ и откако упативме апел до граѓаните да не фрлаат недогорени остатоци во контејнерите, денеска повторно е евидентиран изгорен контејнер на ул.„Македонски Просветители„ наспроти „Противпожарната територијална единица„-Охрид.

                 Фотографиите сами зборуваат, но дали ќе проработат совеста и казните …

По налог на општинскиот Инспекторат денес Ј.П.”Охридски Комуналец ја расчистува локацијата на ул.”Мирче Ацев” во близина на градинката “Лихнида”, каде од приватен имот на тротоарот беше падната метална конструкција и гранки од киви. Ангажирани се 4 вработени за сечење на гранките и конструкцијата, утовар, транспорт и депонирање на истите.

Бидејќи сопственикот не превзеде никави мерки за расчистување на конструкцијата со што беше загрозено движењето на пешаците по јавната површина, општинскиот Инспекторат ќе му достави фактура за расчистувањето. 

Многу често Ј.П.„Охридски Комуналец„ се соочува со проблемот на комплетно уништување на јавната опрема и јавни добра кои треба да им служат на сите наши сограѓани . Утрово дежурните екипи затекнаа комплетно уништен пластичен контејнер на ул.„Пере Тошев„ кој беше изгорен од запалив отпад депониран во самиот контејнер. Оваа локација се наоѓа во близина на градинката „Росица„ и тука беа поставени три (3) контејнери за депонирање на комунален отпад.

Честа е појавата на депонирање недогорени остатоци од отпад во контејнерите од страна на несовесни граѓани со што доаѓа до самозапалување на отпадот. Истото претставува не само проблем за нас, туку и за случајните минувачи и останатите жители зошто може да предизвика штети од поголем размер.

Упатуваме апел до граѓаните да внимаваат што депонираат во контејнерите, а истовремено ги повикуваме инспекциските служби да ги санкционираат несовесните граѓани.

Согласно Програмата за работа за 2015 год. и зацртаните активности за подигнување на нивото на хигиена по повод празнувања и одржување на манифестации, денес екипите на Јавна хигиена и Јавно зеленило темелно расчистуваа локации по повод манифестацијата „Прличеви беседи 2015„.

Хортикултурно се уреди просторот кај гробното место на Григор Прличев во училишниот двор на О.У.„Климент Охридски„. Беа уредени крошните на околните дрвја кои заради последните снежни врнежи беа оштетени, се засадија нови зимзелени садници од видот „котонастер„ и целиот простор темелно се исчисти.

Темелно се расчистуваше и просоторот околу спомен-куќата на нашиот ловороносец и околу споменикот во близина на Центарот за култура „Григор Прличев„.

Како последица на силниот ветер од  јужен правец на градскиот кеј беа натрупани енормни количини комунален отпад. Во изминативе два дена Ј.П.Охридски Комуналец подигна 30 м3 отпад од градскиот кеј, на потегот од пристаништето до Холанскиот Парк. Беше ангажиран ровокопач, два камиони за утовар и одвоз на отпадот, 3 комунални работници кои рачно од езерските води го расчистуваа отпадот и 10 метачи. Од езерските води подигнати се огромни количини пластични шишиња, хартија, трска и друг вид отпад.

На лице место увид изврши и општинскиот инспекторат, по чиј налог се спроведоа овие активности.

Со последните врнежи од снег и дожд повторно се забележани штети и скршени дрвја на територијата на општина Охрид. Екипите на „Паркови и зеленило„ се на терен и ја санираат штетата:

                 се отстрануваат скршените гранки во близина на маркетот „Рамстор

                  по градскиот кеј во близина на поранешното ПТТ одморалиште

во стариот дел од градот- по патеката која ги поврзува месноста Кошишта со Горна Порта каде паднатите гранки ја оштетиjа оградата и клупите.

 Во изминатите два дена покрај ангажирањето на вработените од оваа работна единица во расчистување на тротоарите по целата должина на „Булевар Туристичка„ и другите позначајни сообраќајници, се реализра и акцијата за одстранување на скршени гранки и стебла покрај патниот правец Косел-Вапила-Ливоишта, по претходно добиено барање од урбаната зедница од с.Вапила.

Обилните врнежи од дожд и снег што го зафатија охридскиот регион изминатите два дена предизвикаа големи количини отпад од околните реки да се влеат во водите од Охридско Езеро. На градскиот кеј езерскиот бран исфрли отпад: пластична , картонска , најлонска амбалажа и друг вид отпад. Јавна хигиена е ангажирана од раните утрински часови со сите расположиви ресурси и директно од езерските води се собира отпадот, а кејот се мети.

Другата оперативна група е задолжена за отсранување на остатоците од снег по градската чаршија.