Category Archives: АКТУЕЛНО
Акција за зелен отпад У.З.14 „Радојца Новичиќ„ (21.11.2015 год.-сабота)
Ј.П.”Охридски Комуналец”-Охрид ги известува граѓаните на Општина Охрид дека на ден 21.11.2015 год.(сабота) ќе организира акција за подигнување отпад од уредување на дворни површини и градини (гранки, трева, жива града и др.) од У.З.14 „Радојца Новичиќ„.
Се молат граѓаните кои живеат во горенаведената урбана заедница доколку имаат ваков отпад уредно да го депонираат најдоцна до 10.00 часот и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец” благовремено да го подигнат. Зелениот отпад треба да е уредно оставен до контејнерите или на местата предвидени за подигнување комунален отпад.
Оваа акција е последна акција согласно годишниот календар за 2015 год.
Во У.З.11 „Видобишта„ ќе се подига зелен отпад 14.11.2015 год.(сабота)
Ј.П.”Охридски Комуналец”-Охрид ги известува граѓаните на Општина Охрид дека на ден 14.11.2015 год.(сабота) ќе организира акција за подигнување отпад од уредување на дворни површини и градини (гранки, трева, жива града и др.) од У.З.11 „Видобишта„.
Се молат граѓаните кои живеат во горенаведената урбана заедница доколку имаат ваков отпад уредно да го депонираат најдоцна до 10.00 часот и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец” благовремено да го подигнат. Зелениот отпад треба да е уредно оставен до контејнерите или на местата предвидени за подигнување комунален отпад.
Од активностите на „Јавна хигиена„
Екипите на „Јавна хигиена„ се вонредно ангажирани околу расчистувањето на јавните површини во градот од лисјата кои во овој период интензивно паѓаат.
Паднатите лисја се расчистуваат и подигаат од сите јавни пешачки и сообраќајни површини во градот, независно од категоријата на улицата. Подигнатиот лист се транспортира во расадникот на јавното претпријатие, каде понатака се искористува како суровина во фазата на компостирање.
Во оваа работна седмица се реализира и акцијата за отстранување на гумите за џвакање од мермерните плочи по градската чаршија, на потегот од плоштадот „Св.Климент Охридски„ до плоштадот „Крушевска Република„ кај Чинарот. Заради непречено одвивање на акцијата, истата се реализираше од раните утрински часови и беа ангажирани 4 комунални работници со специјални алатки.
Се засадува зимската цветна реколта
Екипите на „Паркови и зеленило„ започнаа со разубавување на зелените површини во градот со засадување на цветниот материјал кој ќе ги краси парковите во доцниот есенски период, зимската сезона, па се` до пролетта. Планирано е да се засадат околу 35.000 садници од видот viola (очиња) од сопственото производство.
Благодарение на издржливоста на пониски температури виолата-оче ќе ги освежи парковите во престојниот период, а ќе бидат опфатени: градскиот парк, плоштадот, кружните сообраќајници, новиот мини-плоштад кај музичкото училиште, новата патека после каналот Студeнчишта, и.т.н.
Одбележан „7-ми Ноември„ патронот на Комуналец
Ј.П.„Охридски Комуналец„ го одбележа својот патронен празник “7-ми Ноември”. Во административните простории на Ј.П.„Охридски Комуналец„ со пригодна свеченост на вкупно 12 вработени им беа врачени награди за 10, 20 и 30 години непрекината работа во Ј.П.”Охридски Комуналец” и тоа : четворица вработени за 30-годишно работење, двајца вработени за 20-годишно работење и 6 вработени за 10-години непрекинат работен стаж.
Задоволството оваа година е поголемо што после долг временски период ЈП „Охридски комуналец“ го обнови возниот парк со пет најсовремени специјални возила за подигање на отпад од јавните површини со што ќе се подобри квалитетот на јавните комунални услуги во градов.Набавката на возилата е резултат на проектот што општина Охрид го реализира со поддршка на Светска Банка и Министерството за финансии.
Вонредни активности по повод Денот на ослободувањето на Охрид
Согласно агендата на празнувања и активности кои ги организира локалната самоуправа за 7 Ноември- Денот на ослободувањето на Охрид, Ј.П.„Охридски Комуналец„ превзеде вонредни активности за поголем степен на јавна чистота и јавно зеленило на следните локации: Спомен-паркот на револуцијата, спомен-обележјето на Јасна Ристеска во с.Рамне, спомен-обележјата кај Основниот суд-Охрид, градскиот парк и средното стручно училиште „Св.Кирил и Методиј„.
Ќе се подига зелен отпад У.З.3 Кошишта и У.З.4 Воска 07.11.2015 год
Ј.П.”Охридски Комуналец”-Охрид ги известува граѓаните на Општина Охрид дека на ден 07.11.2015 год.(сабота) ќе организира акција за подигнување отпад од уредување на дворни површини и градини (гранки, трева, жива града и др.) во У.З.3 „Кошишта„ и У.З.4 „Воска„ (заедно со комплексот згради и куќи во населба „Даљан„) .
Се молат граѓаните кои живеат во горенаведената урбана заедница доколку имаат ваков отпад уредно да го депонираат најдоцна до 10.00 часот и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец” благовремено да го подигнат. Зелениот отпад треба да е уредно оставен до контејнерите или на местата предвидени за подигнување комунален отпад.
Расчистено речно корито на Грашница на потегот по ул.„Прилепска„
Речното корито на р.Грашница е расчистенo на потегот по ул.„Прилепска„ до пресекот со ул.„Железничка„. Моментално на овој потег нема водостој, па речното корито се расчистува од бујната вегетација, како и комуналниот отпад кој е тука расфрлан.
Апелираме до околното население да не се фрлаат отпадоци во речното корито зошто стануваат потенцијална загадувачи на Охридско Езеро. Со надоаѓање на реката истите ќе завршат во езерото.
Кружното кај „Бистрица„ во есенско руво
Кружниот тек на пресекот на булеварот „Туристичка„ и ул.„Бистрица„ доби нов лик со засадување на цветните садници-хризантеми.
Летниот цветен расад кој беше засаден на оваа зелена површина е отстранет, земјената подлога е обработена и оплеменета, а потоа се засадени нови цветни садници кои ќе го красат ова катче до зимскиот период.
Акција зелен отпад во У.З.6 „Даме Груев„ и У.З.10 „Горна Влашка Мала„
Ј.П.”Охридски Комуналец”-Охрид ги известува граѓаните на Општина Охрид дека на ден 31.10.2015 год.(сабота) ќе организира акција за подигнување отпад од уредување на дворни површини и градини (гранки, трева, жива града и др.) во У.З.6 „Даме Груев„ и У.З.10 „Горна Влашка Мала„ (комплекс згради „Христо Узунов„ , „ Карабегобамала„ и „Горна Влашка Mала„).
Се молат граѓаните кои живеат во горенаведената урбана заедница доколку имаат ваков отпад уредно да го депонираат најдоцна до 10.00 часот и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец” благовремено да го подигнат. Зелениот отпад треба да е уредно оставен до контејнерите или на местата предвидени за подигнување комунален отпад.