Пред почетокот на културно-уметничките манифестации кои на најрепрезентативен начин го претставуваат Охрид во текот на туристичката сезона,  Ј.П.Охридски Комуналец превзема вонредни активности за зголемување на хигиената на локациите каде ќе се реализираат манифестациите.

   Пред почетокот на „Балканскиот фестивал на народни песни и ора„ темелно се расчистува локацијата „Долни Сарај„:  просторот од летната сцена и паркинг-просторот се расчистува од расфрланиот отпад, а околниот простор хортикултурно се уредува со косење на тревата и кастрење на суви и надвиснати гранки. Во овие активности ангажирани се 10 вработени од „Јавна хигиена„ и „Паркови и зеленило„.

Во рамките на активностите кои ги реализира локалната самоуправа за изградба на пешачката патека од каналот Студенчишта до Горица, нашето претпријатие ги започна активностите за хортикултурно уредување на бетонските жардињери кои се поставени на овој потег (вкупно 7 жардињери). Истите се исполнети со плодна земја, поставен е систем за наводнување, се засадуваат листопадни дрвја од видот „каталпа„ , се формираат цветни леи од сезонско цвеќе  и се засадуваат декоративни зимзелени грмушки.

Повторно е забележано уништување на засадените палми во скејт-паркот каде насилници се обиделе да откорнат една од палмите. Пред два дена на истата локација една палма беше откорната и фрлена во близина.

На ул.„Димитар Влахов„ етапно продолжуваат активностите за естетското уредување на постоечкиот дрворед од лигуструми ( во правец кон ул.„Македонски просветители„) : се поставува украсна ограда, систем за наводнување, а просторот околу лигуструмите хортикултурно се уредува.

Во рамките на годишната програма за одржување на јавното зеленило и јавната чистота, се уредува ул.„Ристо Чадо„ каде тревниот дел покрај коловозот се коси, улицата темелно се мети и се расчистува расфрланиот отпад. 

Ј.П.„Охридски Комуналец„-Охрид ги известува корисниците на своите услуги – физички и правни субјекти, дека во периодот 29.06.2015 год. до 31.08.2015 год. комуналниот отпад ќе се подига од 06.00 часот наутро.

Овие активности се спроведуваат со цел за време на  туристичкиот шпиц нивото на услужната хигиена да се одржи на највисоко ниво. 

Постоечкиот систем за наводнување на потегот од градскиот плоштад до х.Палас, покрај пешачката патека по „Кеј Македонија„ е заменет со нов. Поставена е подземна инсталација на системот за наводнување и монтирани се 50 прскалки на овој потег.

Во жардињерите поставени пред центарот за култура „Григор Прличев„ засадени се цвеќиња од новата летна реколта.

Во скејт-паркот кај пешачката патека после каналот „Билјанини Извори„  вандали откорнале една од засадените палми и истата е најдена фрлена во близина.

             Ј.П.”Охридски Комуналец”-Охрид ги известува граѓаните на Општина Охрид дека на ден 20.06.2015 год.(сабота) ќе организира акција за подигнување на кабаст отпад (душеци, стар мебел, телевизори, шпорети, теписони и др.) во У.З.14 „Радојца Новичиќ„.

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

          Согласно годишниот календар за 2015 год. оваа акција е последна акција од пролетниот циклус. Следниот есенски циклус ќе продолжи да се реализира од месец септември 2015 год.

Секојдневно низ парковите во Охрид никнуваат цвеќиња од новата летна цветна реколта. Садниците се од сопствено производство од расадникот кој функционира во рамките на „Паркови и зеленило„ кој за оваа сезона произведе 40.000 садници најразновиден цветен материјал. Со садниците се разубавуваат јавните зелени површини, а исто така нудме широка понуда и за граѓаните и правните субјекти.Од богатиот асортиман го издвојуваме сега актуелното сезонско цвеќе од видовите петунија, газанија, бегонија, вербена, винка, агератум, импатиенс, салвија и др., потоа ружи (полианта, мини и класична) и голем број украсни садници и дрвца.

                            импатиенс

                   петунија

               агератум

                џунџуле

              петлов гребен

На вандалското однесување на поединнци му нема крај. На неодамна ревитилизираниот дрворед од јасени по „Булевар АСНОМ„ искршени се 15 стебла кои „Охридски Комуналец„ ги имаше засадено.

 И покрај напорите на нашето претпријатие за подигнување на еко-свеста и зачувување на јавните урбани добра, постојано се случуваат вакви немили настани со кои се уништува зеленилото кое треба да им служи и на идните генерации.

              Ј.П.”Охридски Комуналец”-Охрид ги известува граѓаните на Општина Охрид дека на ден 13.06.2015 год.(сабота) ќе организира акција за подигнување на кабаст отпад (душеци, стар мебел, телевизори, шпорети, теписони и др.) У.З.11 „Видобишта„.

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Екипите на Јавна хигиена со зголемен обем на активности го подигнуваат степенот на јавна чистота на повеќе локации во градот и приградските населби. Темелно се чисти и мети од наноси од песок , земја , ситен отпад , како и ситна вегетација ул.„Железничка„

се коси и расчистува од расфрлан отпад дворот и околниот простор на подрачното училиште „Св.Климент Охридски„ во населба Даљан

темелно расчистување на тротоарот покрај магистралниот пат Охрид-Св.Наум на потег Хидробиолошки завод – нас.Рача

Во пресрет на планираниот состанок на министрите за надворешни работи на државите членки на ЦЕИ  се реализира акција за расчистување на расфрланиот отпад покрај магистралниот пат на потегот од Подмоље до Метропол.

             Ј.П.”Охридски Комуналец”-Охрид ги известува граѓаните на Општина Охрид дека на ден 06.06.2015 год.(сабота) ќе организира акција за подигнување на кабаст отпад (душеци, стар мебел, телевизори, шпорети, теписони и др.) во У.З.3. и У.З.4. населби „Кошишта„, „Воска„ и „Даљан„.

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Oглас за барање за прибирање на понуди бр.2-03/2015

Набавка на хидраулични елементи

 Ве молиме отворете на веб-сајтот за јавни набавки наведен во продолжение:

https://e-nabavki.gov.mk/PublicAccess/home.aspx#/dossie/1b581f2c-cc5f-4e86-b202-f7a01d620b5a/RequestForProposal

Екипите на „Паркови и зеленило„ хортикултурно го уредија просторот во центарот на с.Подмоље, околу игралиштето. Теренот беше реконструиран со раскопување и оплеменување со 20 м3 плодна земја, засадена е трева, 50 зимзелени садници и 40 цветни декоративни грмушки.

Улиците во стариот дел од градот  и патеките кои водат до Самоилова Тврдина, Канео, Лабино и Плаошник хортикултурно се дотеруваат. Веќе трет пат е опфатен стариот дел на градот со косење заради бујната вегетација во пролетниот период.