Изминативе денови екипите на “Паркови и зеленило” при “Ј.П. Охридски Комуналец” покрај тековните активности хортикултурно го уредуваa центарот на градот. Во парковите кај плоштадот, малиот плоштад и на кејот “Македонија” беа засадени нови садници од сортите “игератум”, “салвија”, “петунија” и “џунџуле”. Исто така “џунџуле” беше засадено и на кружниот тек кај Охридска банка.

Со редовните и тековни активности дел од екипите на “Ј.П. Охридски Комуналец” денес беа ангажирани и во с. “Подмоље”. Се косеше и чистеше покрај улиците и тротоарите, а беше уреден и просторот околу игралиштето, при што беа ангажирани 4ца работници на “Јавна хигиена”.

Екипите на “Паркови и зеленило” при “Ј.П. Охридски Комуналец” во вчерашниот ден, како и денес покрај редовните активности во градот беа ангажирани на косење и расчистување во с. “Коњско” и с. “Трпејца” на зараснатите тревни површини кои ја намалуваа прегледноста на улиците и пешачките зони.

Денес, како и изминатите денови екипите на “Паркови и зеленило” при “Ј.П. Охридски Комуналец” продолжија со извршување на редовните работни задачи како косење, плевење и садење. Беше уреден главниот плоштад со косење и плевење, а кај малиот плоштад беа извадени старите садници каде што ке бидат посадени нови во изминативе денови.

И кружниот тек кај охридската “Гимназија” беше посаден со нови садници од сортите “Џунџуле” и “Салвија”.

Вчера и денес екипите на “Паркови и зеленило” при “Ј.П. Охридски Комуналец” покрај тековните активности беа ангажирани и на средување на главните улици и крајбрежјето во с. “Пештани” каде ја косеа израснатата трева.

“Ј.П. Охридски Комуналец” ја пушти во употреба машината која е наменета за смукање на улиците и тротоарите и чистење од лисја, прашина и друг пластичен и комунален отпад. Со истата е предвидено чистење на кејот, плоштадот, чаршијата, малите плоштади и секаде каде што ќе има потреба.

Денес екипите на “Јавна хигиена” при “Ј.П. Охридски Комуналец” работеа на расчистување на патот за с. “Орман” на потегот од бул. “Туристичка”, во селото се до излезот према с.”Лакочереј” со косење и чистење на израснатата трева и трње кои ја попречуваа прегледноста на возилата. Во текот на изминатите денови беа исчистени с. “Велгошти”, с. “Лескоец”, с. “Косел” с. “горно и долно Лакочереј” и “Подмолје”. Исто беа опфатени делови од стариот дел на градот како патеките низ шумата кои водат од тврдината према “Плаошник”, па према “Лабино” и према “Канео”.

Ј.П.”Охридски Комуналец” на сите граѓани на Општина Охрид, сите свои корисници и деловни партнери им ги честита велигденските и првомајските празници со желби за среќа, успех и бериќет.

Во раните утрински часови по дрворедот на улица „Димитар Влахов„ повторно е забележана кражба на садници. Кражбата е забележана од страна на одговорните работници за одржување на јавното зеленило кои за жал континуиран период ја евидентираат оваа деструктивна појава каде несовесни граѓани само на оваа улица украле украсни грмушки: 40 зеленики  од видот букус и 38 од видот елата.  Појавата на кражба на садници е забележана и на новата пешачка патека од каналот Студенчишта до Горица.

Ј.П.„Охридски Комуналец„ е принуден да ангажира обезбедување за  да се пронајдат сторителите. На тој начин се надеваме ќе имаме поголем респект кон вложените средства и труд за разубавување на градот.

вака изгледа хортикултурното катче  покрај дрворедот од лигуструми по извршената кражба на садници

Зошто да се крадат садниците кога може да изгледа вака?

Во изминатите денови екипите на “Ј.П. Охридски Комуналец” беа дополнително ангажирани поради зголемените температури и припремање за туристичката сезона. Екипите на “Паркови и зеленило” работеа на косење и чистење на улиците и населбите. Беше исчистена ул. “Андреја Јованоски” од “Стобекс” према “Велгошти”, населбата “Гоце Делчев” (кај бараките) и дел од ул. “Марко Цепенков” и “Момчило Јорданоски” а на патеката кај “Кадмо” плажа беа засадени нови садници од видот “Сабина” и “Џунџуле”.

Ангажирани беа и екипите на “Р.Е. Механизација” со чистење на коритото на реката кај населбата “Рача” на местото каде што се влева во езерото.

Покрај тековните активности на метење и миење на улиците деновиве екипите на “Јавна хигиена” при “Ј.П. Охридски Комуналец” учествува како испомош на “Паркови и зеленило” поради зголемените активности со косење на израснатата трева на улиците “Крум Точков”,”Пере Тошев”,”Стив Наумов”, “8-ми Март”, “Крали Марко”, “Абаз Емин”, “Дејан Војвода”, “Бекир Алириза”,”7-ми Ноември”,”Егејска”,”Крсте Мисирков”,”Кузман Шапкарев”,”Васил Главинов”,”Марко Нестороски” и нас. “Ѓорче Петров”.

Во изминативе денови екипите на Паркови и зеленило при “Ј.П. Охридски Комуналец” работеше на привршување на кружниот тек на пресекот кај булеварот “Туристичка” со ул. “Абаз Емин” со полнење на земја и припремање за хортикултурно уредување.

Се уреди и улицата “Ариф Мустафа” каде се засадија зимзелени растенија и трева.