Category Archives: АКТУЕЛНО
Акција за чистење на потегот Косел-Вапила-Сирула
Силниот ветер наталожи огромни количини отпад по кејот
Заради неповолните временски услови кои го зафатија охридскиот регион во изминативе денови, проследени со силен ветар и големи бранови, на кејот се наталожени големи количини отпад (трска, муљ, пластика и друг вид отпад ). Од тие причини нашите екипи вонредно се ангажирани во секојдневно расчистување на кејот и подигнати се 15м3 отпад.
Се рушат старите објекти кај училиштето во Далјан
Екипите на Ј.П.„Охридски Комуналец„ деновиве интензивно се ангажирани во расчистување на просторот во близина на ОУ.„Св.Климент Охридски„ во населба Далјан каде е спроведено рушење на старите и руинирани објекти. Овие објекти претставуваа потенцијална опасност за учениците, па затоа по налог на локалната самоуправа , се пристапи кон рачистување на овој простор. Ангажирана е специјална механизација -компиниран ровокопач, како и два камиони за товарење и транспорт на градежниот шут.
Хортикултурно уреден Малиот плоштад
Екипите на „Паркови и зеленило„ го разубавија Малиот плоштад на просторот од поранешната библиотека со засадување на декоративни садници и цветен сезонски саден материјал, дополнети со визуелно естетски елементи (ќупови, украсни камчиња и др.). На овој простор се засадени 6 палми , 350 очиња, 72 зеленики и 25 туи.
Припреми за Богојавление Водици
Ј.П. Охридски Комуналец Охрид со сите расположливи ресурси активно е вклучен во организација за одбележување на празникот Богојавление Водици.
На градското пристаниште е поставена мала бина.
Со верски знамиња е украсен градскиот плоштад, ул.Коста Абраш и ул.Цар Самоиул.
На улицата Македонски Просветители и плоштад се поставени државни знамиња и знамиња на општина Охрид.
Извршено е украсување со зеленика и бршлен на бродовите “Александрија 1″,”Александрија 2” и бродот “Галеб”, светилникот и канделабрите околу градското пристаниште.
На градското пристаниште поставени се 20 тезги и заштитна ограда.
Ќе се постават 20 канти за отпад на градското пристаниште на 19.01.2014.
Се средува месноста Сараиште каде на 20.01.2014 ќе се изврши масовно крштевање (отстранети се дел од кајчината, искосена е тревата и уреден е просторот).
Традиционално за Василица во Комуналец се бараше паричка
Верскиот празник Василица- Стара Нова Година го одбележаа вработените во Ј.П.”Охридски Комуналец” со вртење на василичарска пита. Негувајќи ги традиционалните обичаи за охридскиот крај, се бараше паричка во пита која според верувањата на оној на кој ќе му падне , новата година ќе му биде среќна и бериќетна.
Оваа 2014 година ќе биде среќна и успешна за Виолета Шапкароска која имаше среќа паричката да падне кај неа.
Се расчистува шумскиот дел од Калето
Екипите на „Паркови и зеленило„ и „Јавна хигиена„ деновиве расчистуваат повеќе локации од шумскиот дел на охридското Кале. Се работи на шумскиот дел кој се наоѓа покрај коловозот кој води од вториот Чинар до Горна Порта и од Горна Порта до месноста „Дрвара„. Повеќе исушени дрвја од видот багрем и јасен се отстранети, а заради непречено движење на пешаците и возилата, гранките од дрвјата кои се наоѓаат во непосредна близина на коловозот се поткастрени, а ниската вегетација е отстранета.
Исто така интензивно се средува шумскиот дел под црквата „Св.Богородица Перивлепта„ .Од овој простор се подигна големо количество расфрлан отпад и истиот се расчисти од бршлените и трњето. Заради непристапноста на теренот сите активности се спроведуваа рачно.
Вакви и слични акции ги спроведуваме во соработка и координација со општина Охрид.
Успешно реализирана акцијата за чистење на речните корита и канали
Ј.П.„Охридски Комуналец„ ја заврши широкоопфатната акција за чистење на речните корита и канали на територијата на општина Охрид за оперативната 2013 год. Оваа акција која се спроведе по налог на локалната самоуправа, започна на почетокот од месец октомври. Се делуваше на речните корита на реките Сушица и Грашница по нивните теченија во с.Велгошти, населба У.З.14 „Радојца Новичиќ„ (Црногорци), ул. „Железничка, „15-ти Корпус„, како и каналите во Студенчишко Блато, во с.Орман и во населба Даљан, во вкупна должина од 6.600 м. Дел од активностите за чистење се спроведуваа машински со ангажирање на сопствена специјална механизација , додека другиот дел каде заради непристапност на теренот беше невозможно машинско чистење, се делуваше рачно.
Оштетени 24 корпи за ситен отпад
За време на новогодишните празници настрадаа корпите за ситен отпад поставени на градскиот плоштад, кејот и старата охридска чаршија. Оштетени се 24 корпи, а загрижува фактот што на потегот од првиот до вториот Чинар сите корпи се демолирани. Денеска нашите екипи пристапија кон санација на состојбата и поставување на нови корпи за ситен отпад.
СРЕЌНИ НОВОГОДИШНИ И БОЖИЌНИ ПРАЗНИЦИ
Ј.П.”Охридски Комуналец” на сите граѓани на Општина Охрид, сите свои корисници и деловни партнери им ги честита новогодишните и божиќните празници со желби за среќна, успешна и бериќетна 2014 год.
Задоволен граѓанин кој гордо се носи со привилегијата што е граѓанин на Охрид ќе претставува појдовна точка во нашите секојдневни активности за исполнување на нивните потреби за чиста и здрава околина .