После нецела недела откако Ј.П. “Охридски комуналец” ја расчисти дивата депонија кај прес контењерот во населбата “Христо Узунов”, денес повторно истата глетка. И денес беа машински подигнати големи количини на отпад од истото место. Иако според календарот на претпријатието беше организирано подигање на кабаст отпад во тој дел на 01.10.2016 (сабота), граѓаните продолжуваат со несовесното депонирање на истиот, како и градежен шут, зелен отпад, пластика и друг комунален отпад.

Денес Ј.П. “Охридски Комуналец” се вклучи во проектот “Македонија без отпад” по договор со невладината организација “Ајде Македонија” каде што изврши расчистување на магистралниот пат “Охрид – Подмоље”, на двете магистрали (стариот и новиот пат), каде беа ангажирани 12 работници од 06:00 часот до 11:30 часот и беа собрани околу 60 вреќи на отпад.

Од другите учесници во оваа акција на потегот од “Билјанини извори” према “Св. Стефан” беа собрани 40тина вреќи отпад и истите беа подигнати со возило на Ј.П. “Охридски Комуналец”.

Деновиве екипите на Р.Е. “Механизација” при Ј.П. “Охридски Комуналец” работеше на машинско расчистување на речното корито на реката “Сушица” на потегот од с. “Велгошти” до пресекот со ул. “15ти корпус”. Беа подигнати големи количини на зелен отпад, гранки, наноси од земја, пластичен отпад и чакал, па со нивно расчистување се ослободи коритото за непречен проток на водата и минимизирање на можноста за поплавување на околното земјиште.

Покрај овие активности, во раните утрински часови беше подигната дива депонија кај прес контењерот во населбата “Христо Узунов” која беше направена поради несовесно депонирање на отпадот од страна на граѓаните.

Ј.П.”Охридски Комуналец”-Охрид ги известува граѓаните на Општина Охрид дека на ден 01.10.2016 год.(сабота) ќе организира акција за подигнување на кабаст отпад (душеци, стар мебел, телевизори, шпорети, теписони и др.) во У.З.6 „Даме Груев„ и У.З.10 „Горна Влашка Маала„(комплекс згради „Христо Узунов„ , „ Карабегобамала„ и „Горна Влашка Mаала„).

Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Ј.П.”Охридски Комуналец”-Охрид ги известува граѓаните на Општина Охрид дека на ден 24.09.2016 год.(сабота) ќе организира акција за подигнување на кабаст отпад (душеци, стар мебел, телевизори, шпорети, теписони и др.) во У.З. 12 „Гоце Делчев„ (нас.„Бараки„).

Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Во текот на вчерашниот ден, како и денес, екипите на “Паркови и зеленило” при Ј.П. “Охридски Комуналец” работеа на расчистување на просторот позади охридската “Гимназија св. Климент Охридски”. Беа ангажирани 3ца работници на косење, кастрење и собирање на зараснатите трња и трева, каде што беа собрани околу 15 м/3 зелен отпад.

Покрај овие активности, како дел од редовната работа на екипите на “Јавна Хигиена” при J.P. “Охридски Комуналец” беше косење на улиците во стариот дел на градот и метење на ул. “Железничка”. Исто така во изминативе 2 дена се чистеше кејот од насобраната езерска алга при што беа собрани 3 трактори од истата, а ќе се продолжи во тек на утрешниот ден.

На 1ви Октомври 2016 година “Ј.П. Охридски Комуналец” по договор со невладината организација “Ајде Македонија” ке биде активно вклучено во проектот “Македонија без отпад” со тоа што ке изврши чистење на потегот по магистралниот пат од “Петљата” до “Подмоље” и од населбата “Далјан” до “Подмоље”. Се известуваат сите граѓани и невладини организации кои се заинтересирани, можат да се вклучат во проектот за чистење на потегот од “Билјанини извори” до “Св. Наум”, каде што ке бидат во координација со невладината организација “Ајде Македонија”.

Денес екипите на”Ј.П. Охридски Комуналец ” ги заменаа старите и поставија 12 нови корпи за отпад во стариот дел на градот. Корпите беа поставени на потегот од црквата “св. Никола Геракомија”, на паркингот кај “Балкански фестивал”, по ул. “Илинденска” и кај “Самуиловата тврдина”.

Покрај другите активности, во вчерашниот ден екипите на “Јавна хигиена” беа ангажирани на расчистување на патот за с. “Велестово”, на потегот од бензинската на “Макпетрол” кај “Бијланини извори”, до с. “Велестово”, иако истиот тој потег не е во надлежност на претпријатието.

Денес како припомош на охридскиот пливачки маратон е предвидено чистење на патот од с. “Љубаништа” до “св. Наум”, исто и на стартот и целта на маратонот.

Денес екипите на “Паркови и зеленило” при “Ј.П. Охридски Комуналец” покрај редовните активности, по барање на комуналната инспекција и на граѓаните, беа ангажирани на уредување на локалниот пат на потегот од ул. “15ти Корпус” до с.”Велгошти”, при што беше искосена тревата покрај патот и беа исечени гранките и трњето кои ја попречуваа прегледноста на возачите.

Во изминативе денови екипите на “Јавна хигиена” при “Ј.П. Охридски Комуналец” беа дополнително ангажирани со уредување и чистење на улиците и парковите во тек на раните утрински часови, како и преку целиот ден после забавите и концертите, како последица на големиот број на гости во градот. Беа собрани големи количини на пластични шишиња, хартија и друг вид на отпад, како во центарот на градот така и на плажата парк. Беше исчистен и градскиот стадион по договор со јавното претпријатие “Билјанини Извори”.

Екипите на “Јавна хигиена” при “Ј.П. Охридски Комуналец” беа вонредно ангажирани за подигање на дива депонија создадена од несовесни граѓани во дворот на основното училиште “Св. Климент Охридски” во населбата “Далјан”. Беа подигнати големи количини на кабаст отпад, пластичен отпад и депонирани електрични апарати.

“Ј.П. Охридски Комуналец” повторно со апел до граѓаните да не создаваат депонии, туку да го депонираат отпадот на локациите одредени за тоа, а доколку имаат кабаст отпад да се информираат за деновите кога нашите екипи поминуваат за собирање на истиот.

Во изминативе неколку дена екипите на “Ј.П. Охридски Комуналец” беа ангажирани  со косење на трева и чистење на улиците и тротоарите од зараснатите трње на неколку локации.

Беше исчистен патот према плажите каде што беа исечени гранките кои висеа над тротоарите и беше искосена тревата.

Се средуваше игралиштето во с. “Велгошти” пред почетокот на турнирот за мал фудбал, и се косеше во с. “Долно Лакочереј”.

Се уреди и на улиците “Ванчо Питошески” и на пресекот на ул. “Крум Точков” со ул. “Гоце Делчев”.