Ј.П.”Охридски Комуналец”-Охрид ги известува граѓаните на Општина Охрид дека на ден 29.11.2014 год.(сабота) ќе организира акција за подигнување отпад од уредување на дворни површини и градини (гранки, трева, жива града и др.) во У.З.3 „Кошишта„ и У.З.4 „Воска„ (заедно со комплексот згради и куќи во населба „Даљан„) .

          Се молат граѓаните кои живеат во горенаведената урбана заедница доколку имаат ваков отпад уредно да го депонираат најдоцна до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат. Зелениот отпад треба да е уредно оставен до контејнерите или на местата предвидени за подигнување комунален отпад.

Синоќешното невреме го зголеми интензитетот на денешните активности на одделението „Јавна хигиена„. Паднатите лисја се расчистуваат и подигаат од сите јавни пешачки и сообраќајни површини во градот, а во рамките на можностите и оперативноста, се делува на улиците од сите категории. Подигнатиот лист се транспортира во расадникот на јавното претпријатие, каде понатака се искористува како суровина во фазата на компостирање.

Се расчистуваше и градскиот кеј од наносите од реса и друг отпад кој на кејот го натрупа езерскиот бран. Подигнати се 20 м3 отпад.

Продолжува акцијата за чистење на речните корита и денеска се расчистуваше река Сушица по должина на ул.„Аџи Мустафа„.

Екипите на „Паркови и зеленило„ денеска ја продолжија акцијата за уредување на крошните од дрвјата по целата должина на дрворедот од липи по ул.„Македонски Просветители„.

Поткаструвањето, сечењето и уредувањето на крошните од липи се реализира етапно, согласно планираната динамика. Во текот на вчерашниот ден завршено е уредувањето на потегот од „Кеј Македонија„ до „Партизанска„ , а денес се уредуваше потегот од „Партизанска„ до „Димитар Влахов„.

                                       кроење на крошните пред поштата

Со кроењето на крошните ќе се отстранат гранки кои го оневозможуваат природното вегетирање на стеблото и кои го оптоваруваат стеблото и ќе се овозможи подеднакво продирање на сончевата светлина. Со тоа ќе се создат побезбедни услови за движење на пешаците и возилата.

                                              кроење на крошните пред „Уни банка„

Акцијата се спроведува по налог на Секторот за комунални дејности, сообраќај и улици при општина Охрид и според динамиката во среда ќе се уредува потегот од „Димитар Влахов„ до „Даме Груев„, а во четврток и петок ќе се поткаструваат крошните на „Македонски Просветители„ на потегот од „Даме Груев„ до „Булевар Туристичка„.

                               кроење на крошните на пресекот со „Димитар Влахов„

Ј.П.„Охридски Комуналец„ продолжи со реализацијата на активностите околу расчистувањето на речните корита и канали на територијата на општина Охрид. Се расчистува речното корито на р.Сушица, на потегот од ул.„Петрино„ до Винарска визба.Расчистувањето на наносите и ниската вегетација, како и расчистувањето на комуналниот и градежен отпад се врши со ангажирање на специјална механизација.

                                   чистење на речното корито  на р.Сушица

Со овие активности ќе се подобри еколошкиот амбиент на ова подрачје, а воедно ќе се превенира евентуалното поплавување на околното земјиште.

Оглас за барање за прибирање на понуди бр.2-18/2014

Услуги на осигурување

 Ве молиме отворете на веб-сајтот за јавни набавки наведен во продолжение:

https://e-nabavki.gov.mk/PublicAccess/home.aspx#/dossie/aff44187-a34f-4422-9923-0f42cafd6c54/RequestForProposal

Ј.П.”Охридски Комуналец”-Охрид Ве известува дека во деновите од понеделник до петок ќе врши уредувањето на дрворедите со поткастрување на крошните од липите на улицата “Македонски Просветители”. Поради ова потребно е отстранување на паркираните возила за непречено извршување на нашите активности. Уредувањето на дрворедите ќе се врши во деновите:

1. Понеделник 17.11.2014 год. – пресекот на “Кеј Македонија”со улицата “Партизанска”;
2. Вторник 18.11.2014 год. – потегот од ул.”Партизанска” до улицата “Димитар Влахов”;
3. Среда 19.11.2014 год. – од улицата “Димитар Влахов”до “Даме Груев”;
4. Четврток 20.11.2014 год. – потегот од “Даме Груев” до пресекот со улица “Туристичка”;
5. Петок 21.11.2014 год. – потегот од “Даме Груев” до пресекот со улица “Туристичка”;

Во зависност од временските услови овој распоред може да претрпи промени , за што ќе бидете благовремено известени.

             Ј.П.”Охридски Комуналец”-Охрид ги известува граѓаните на Општина Охрид дека на ден 15.11.2014 год.(сабота) ќе организира акција за подигнување отпад од уредување на дворни површини и градини (гранки, трева, жива града и др.) во У.З.6 „Даме Груев„ и У.З.10 „Горна Влашка Мала„ (комплекс згради „Христо Узунов„ , „ Карабегобамала„ и „Горна Влашка Mала„).

          Се молат граѓаните кои живеат во горенаведената урбана заедница доколку имаат ваков отпад уредно да го депонираат најдоцна до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат. Зелениот отпад треба да е уредно оставен до контејнерите или на местата предвидени за подигнување комунален отпад.

Р.Е. “Паркови и зеленило” и Р.Е. “Механизација” работат на расчистување на речното корито на р.Сушица кај ул.Петрино и делот од бул.Туристичка накај “Алтанин мост” од вегетација и од надојден отпаден материјал. За таа цел е ангажирана градежна машина Фиат Хитачи и камиони ФАП Кипер.

Започнато е хортикултурно уредување на малиот плоштад во нас. Рача. Исто така по втор се врши плевење на жардинерите на ул.Железничка а секојдевно се подигнува листот од зелените површини на бул.Туристичка и градскиот парк.

Деновиве се мети листот кој интензивно паѓа на тротоарите и коловозите.  Поради специфичноста на централното градско подрачје тоа се мети 3 пати во текот на денот при што се собираат 30-тина m3 лисја кои потоа со возила од ЈП Охридски Комуналец се собираат и се носат во расадник за потребите на РЕ “Паркови и зеленило” каде се врши компостирање на истите.

Ј.П.„Охридски Комуналец„ на сите граѓани им го честита 7-ми Ноември – Денот на ослободувањето на Охрид, а воедно на сите наши вработени им го честита патрониот празник на нашето претпријатие.

Зачувувајќи ја и негувајќи ја традицијата на одбележувањето на својот празник, денеска со пригодна свеченост го одбележавме “7-ми Ноември” со врачување на јубилејни награди на 11 вработени за 20 год. непрекината работа во Ј.П.”Охридски Комуналец”.