Ј.П.„Охридски Комуналец„ -Охрид ги известува граѓаните на општина Охрид, како и правните субјекти кои ја обавуваат својата дејност на територијата на општина Охрид дека врши продажба на пластични канти за отпад со капацитет од 120 литри по цена од 1.200,00 ден. Отплатата на кантите може да се врши одложено на 12 рати. Износот на месечната рата ќе биде вкалкулиран во вкупниот износ на месечните сметки за подигање, транспортирање и депонирање комунален отпад и јавна чистота, по претходно регулиран Договор кој странките можат да го склучат во просториите од дирекцијата „Нов Расадник„ бб   Охрид.

             Ј.П.”Охридски Комуналец”-Охрид ги известува граѓаните на Општина Охрид дека на ден 27.09.2014 год.(сабота) ќе организира акција за подигнување на кабаст отпад(душеци, стар мебел, телевизори, шпорети, теписони и др.) во У.З. 12 „Гоце Делчев„ (нас.„Бараки„).

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Екипите на „Паркови и зеленило„ започнаа со разубавување на зелените и цветни површини во градското и воградското подрачје со засадување на есенскиот саден материјал од видот хризантема. Првите цветни катчиња со хризантеми никнаа кај паркот во близина на мостот кај каналот „Билјанини Извори„ и паркот кој го симболизира влезот во Охрид кај сообраќајната клучка од магистралниот пат Скопје-Охрид.

Есенскиот расад се произведува во сопствениот расадник и застапени се хризантеми со различна големина и широк колоритен спектар. Предвидено е засадување во градскиот парк, парковите кај кружните сообраќајници и други позначајни локации.

Есенскиот расад ќе остане на цветните површини во текот на есенскиот период, а веќе од месец декември е предвидено засадување на цветен расад од видот виола (очиња).

Нестабилното време кое во изминативе два дена го зафати охридскиот крај, проследено со силен југозападен ветер им донесе полни раце работа на екиите на „Јавна хигиена„. Големите бранови по охридскиот кеј исфрлија големи количини комунален отпад и реса, а бехатон подлогата по кејот се прекри со слој од ситен песок кој се расчистува рачно . Од тие причини вработените од „Јавна хигиена„ се вонредно ангажирани околу расчистување на кејот, во текот на вчерашниот ден се работеше до 20.00 часот, а денес продолживме од раните утрински часови и до овој момент се подигнати 20 м3 разновиден отпад.

             Ј.П.”Охридски Комуналец”-Охрид ги известува граѓаните на Општина Охрид дека на ден 20.09.2014 год.(сабота) ќе организира акција за подигнување на кабаст отпад(душеци, стар мебел, телевизори, шпорети, теписони и др.) во У.З. 8„Билјанини Извори„.

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Екипите на „Паркови и зеленило„ деновиве интензивно го уредуваат паркот лоциран пред мостот кај каналот „Билјанини Извори„. На локацијата од отстранетитe киосци ќе се засадува трева, а во најскоро време на целиот простор треба да се постави систем за наводнување. Уредени се крошните од дрвјата и отстранети суви гранки. Расчистена е и областа „Мазија„ која се наоѓа во близина на обновеното живеалиште на жолтиот локвањ.

             Ј.П.”Охридски Комуналец”-Охрид ги известува граѓаните на Општина Охрид дека на ден 13.09.2014 год.(сабота) ќе организира акција за подигнување на кабаст отпад(душеци, стар мебел, телевизори, шпорети, теписони и др.) во реонот опфатен со границите на улиците „Македонски Просветители„ , „Партизанска„ , „Димитар Влахов„ , „Кеј Македонија„  и нас.„Охридати„.

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Заради предвидените активности на локалната самоурава за санирање на речното корито на река Сушица вдолж ул.„Радојца Новичиќ„ со кои речното корито ќе се ѕида и продлабочи, Ј.П.„Охридски Комуналец„ веќе две недели спроведува акција за претходно  расчистување на теренот. Со ангажирање на специјална комбинирана машина, речното корито се продлабочува , а натрупаниот отпад (пластичен отпад, чакал, наноси од земја и гранки) се транспортира. Екипите на „Паркови и зеленило„рачно го расчистуваат теренот околу речното корито со отстранување на бујната вегетација, трње и гранки.

Овие активности кои се реализираат по налог на општинскиот инспекторат, планирано е  да завршат на целиот потег  до средина на месец септември.

Уништувањето на јавните добра, урбаната опрема и јавното зеленило стана се` позачестена појава која со децении се провлекува и претставува проблем во тековното работење на Ј.П.„Охридски Комуналец„.

Од новиот дрворед со лигуструми на ул.„Партизанска„ , кој оваа година се реконструира во месец јуни, насилно е искршено едно стебло, кое иако обезбедено со железна заштитна ограда, станало мета на вандали. Се прашуваме на кого му смета новиот дрворед и која е ползата од искршеното стебло.

Мета на девијантно однесување се и искршените рефлектори во градскиот парк (пред рибниот ресторан и вдолж градскиот кеј) . Ваквата слика не му доликува на Охрид како туристички центар.

За надминување на овој проблем треба да се посвети многу поголемо внимание во воспитно-образовниот систем, како и домашното воспитување на младата популација и секако казнување со високи парични казни.

Од оваа сабота започнуваме со есенскиот циклус на акции за подигнување кабаст и зелен отпад. Секоја сабота од месеците септември, октомврии првата половина од месец ноември е резервирана за подигнување кабаст отпад, а втората половина од месец ноември и деекември ќе се подигнува зелен отпад. Со акциите етапно ќе бидат опфатени сите реони и населби од градот, за што граѓаните ќе бидат благовремено информирани преку нашата веб-страна и електронските медиуми. За динамиката со која се испланирани овие акции граѓаните можат да се информираат и од годишните календари.              

             Ј.П.”Охридски Комуналец”-Охрид ги известува граѓаните на Општина Охрид дека на ден 06.09.2014 год.(сабота) ќе организира акција за подигнување на кабаст отпад(душеци, стар мебел, телевизори, шпорети, теписони и др.) од реонот У.З.1„Стар Град„ .

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Почнувајќи од денеска, па во наредните три дена, екипите на „Јавна хигиена„ спроведуваат акција за одстранување на гумите за џвакање од мермерните плочи по градската чаршија, на потегот од плоштадот „Св.Климент Охридски„ до плоштадот „Крушевска Република„ кај Чинарот. Самиот процес на чистење се врши во раните утрински часови, кога по чаршијата нема многу посетители, а одстранувањето на гумите за џвакање го вршат 5 комунални работници со специјални шпакли.

Спроведената акција ќе вроди поголем успех доколку се разбуди свеста, посебно кај младата популација, за повисоко ниво на јавна хигиена. Мастиките за џвакање не треба да се расфрлаат, туку уредно да се депонираат во корпите за ситен отпад.

Со намалување на бројот на туристи, започнавме со акции за миење на чаршијата во ноќните часови.

Поттикнувањето на еко-свеста кај нашата најмлада популација и создавањето на еколошки чиста животна средина во која нашите деца ќе учат, нашето претпријатие континуирано ја имплементира со средување на школските дворови пред почетокот на школската година како и реализација на многу заеднички акции со учениците и наставниот кадар во текот на целата учебна година.

Екипите на „Паркови и зеленило„ хортикултурно го уредија дворот на О.У.„Братство Единство„ каде е засадена жива ограда, уредени се жардињерите на влезот во училиштето и засадени се 50 нови разновидни садници.

Во О.У.„Христо Узунов„ се изврши косење на тревата во школскиот двор и засадена е жива ограда од видот „лоницера„, а во подрачното училиште „Григор Прличев„ во с.Рача се искоси тревата.

Во дворот на музичкото училиште „Методи Патче„ извршено е кроење на крошните од дрвјата и отстранети се суви гранки.

По налог на општинскиот инспекторат се изврши темелно расчистување и хортикултурно средување на реонот опфатен со дворот на О.У.„Климент Охридски„ во населба Даљан, просторот околу школото, пристапниот пат и крајбрежниот појас во овој реон.

Пред верскиот празник „Успение на Пресвета Богородица„ темелно се расчистуваат јавните површини во с.Лескоец и с.Пештани и патот кој води до с.Скребатно.