Ј.П.”Охридски Комуналец”-Охрид ги известува граѓаните на Општина Охрид дека на ден 01.11.2014 год.(сабота) ќе организира акција за подигнување на кабаст отпад(душеци, стар мебел, телевизори, шпорети, теписони и др.) У.З.11 „Видобишта„.

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Деновиве екипите на “Паркови и зеленило„ работат на формирање на зелени катчиња со нов естетски изглед и оформување на нови парковски решенија.

Се реконструираат:

                            паркот во близина на мостот кај каналот „Билјанини Извори„

                         кружната сообраќајница на влезот во Охрид кај населба „Даљан„

                   зеленото катче околу спомен-обележјето на Коста Абраш на Сараиште

Постоечките површини се реконструираат со оплеменување со плодна земја, засадување на нови цветни леи и декоративни садници и украсување со декоративен чакал.

               Ј.П.”Охридски Комуналец”-Охрид ги известува граѓаните на Општина Охрид дека на ден 25.10.2014 год.(сабота) ќе организира акција за подигнување на кабаст отпад(душеци, стар мебел, телевизори, шпорети, теписони и др.) во У.З.3 „Кошишта„ и У.З.4 „Воска„ (заедно со комплексот згради и куќи во населба „Даљан„) .

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

За вработените од „Јавна Хигиена„ денешниов празничен ден започна работно од раните утрински часови. Синоќешното невреме проследено со силен ветер им донесе полни раце работа и тие се на терен расчистувајќи ги јавните површини од паднатиот лист, како и градскиот кеј од натрупаниот отпад.

Паднатиот лист  се подига од сите улици, независно од категоријата на улицата, во централното подрачје и периферните делови од градот. Се расчистуваат тротоарите, коловозите и другите јавни површини.

Силниот бран на кејот исфрли големи количини отпад кои во текот на денот се расчистуваат.

Ј.П.”Охридски Комуналец”-Охрид се закити со бројни награди на одржаната 21.ва Комуналијада на јавни комунални претпријатија од Македонија која се одржа изминатиот викенд во х.„Десарет„-Охрид.
На овие традиционални игри учествуваа претставници од 17 комунални претпријатиа од Македонија. анашето претпријатие пријави свои вработени да се натпреваруваат во следните дисциплини: мал фудбал, шах, пикадо, миење на јавни површини, изнесување на смет, аранжирање на цвеќе и др.

Освоени се следните награди: 1.во место – мал фудбал, 2.ро место – изнесување на смет, 3.то место – миење на јавни површини, 3.то место – пикадо жени и 3.то место во аранжирање на цвеќе.

Ј.П.„Охридски Комуналец„ денеска активно се вклучи и успешно ја реализира  националната акција за чистење „Македонија без отпад„ која ја спроведе Министерството за животна средина и просторно планирање и Асоцијацијата „Ајде Македонија„.   Се  расчистуваше патниот правец Охрид -Скопје, на потегот од сообраќајната клучка на влезот во Охрид до с.Подмоље. Акцијата започна  во 06.00 часот наутро и собрани беа 40 вреќи најразновиден комунален отпад (отпадоци од хартија, пластика и друг вид на амбалажа кој беше расфрлан во појасот покрај коловозната лента).

 Нашето претпријатие и во иднина ќе организира и ќе земе учество во вакви акции за подобро справување со неорганизираното и незаконско фрлање на отпад, а со крајна цел почиста и поубава здрава околина за сите нас.

             Ј.П.”Охридски Комуналец”-Охрид ги известува граѓаните на Општина Охрид дека на ден 18.10.2014 год.(сабота) ќе организира акција за подигнување на кабаст отпад(душеци, стар мебел, телевизори, шпорети, теписони и др.) во У.З.6 „Даме Груев„ и У.З.10 „Горна Влашка Мала„ (комплекс згради „Христо Узунов„ , „ Карабегобамала„ и „Горна Влашка Mала„).

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Ј.П.„Охридски Комуналец„ во соработка со локалната самоуправа ќе земе активно учество во националната акција за чистење „Македонија без отпад„ која ја спроведува Министерството за животна средина и просторно планирање и Асоцијацијата „Ајде Македонија„. Акцијата ќе се реализира на ден 18.10.2014 год. (сабота) со почеток во 06.00 часот, а нашето претпријатие ќе го расчистува патниот правец Охрид -Скопје, на потегот од сообраќајната клучка на влезот во Охрид до с.Подмоље.

Ги повикуваме сите заинтересирани граѓани да се вклучат во акцијата, а од наша страна ќе им бидат доделени ракавици и најлон-кеси.Со тоа и проектот ќе ја оправда својата цел- чистење на отпадот кој се наоѓа на несоодветни места во околината, развивање на свеста кај граѓаните за правилно управување со отпадот и развивање на механизми за поддршка на граѓаните, општините и другите засегнати групи за подобро справување со неорганизираното и незаконско фрлање отпад.

Како јавно претпријатие во чија надлежност е одржувањето на јавната хигиена и јавното зеленило на територијата на општина Охрид и приградските населби, секојдневно се соочуваме со проблемот на несоодветно депонирање на зелен и кабаст отпад. И покрај дефинираниот работен календар за 2014 год. со кои се предвидени акции за подигање кабаст и зелен отпад по сите урбани заедници во пролетниот и есенскиот период, несовесни граѓани секојдневно депонираат зелен и кабаст отпад на јавни површини.

Апелираме граѓаните да се придржуваат до календарот на одржување акции за кабаст и зелен отпад, како и динамиката на подигнување на комуналниот отпад, зошто ваквите грди слики не ни наштетуваат само нас како јавно претпријатие, туку и на останатите граѓани кои совесно го депонираат отпадот.

Екипите на „Јавна хигиена„ темелно ги расчистуваат јавните површини вдолж „Булевар Туристичка„. Од тротоарите се збира паднатиот лист, темелно се расчистуваат граничниците покрај коловозната лента и одливните шахти. Рачното чистење е надополнето со машинско чистење покрај коловозните ленти.

Согласно Програмата за работа за 2014 год. и предвидените активности за подигнување на јавната хигиена за врема на одржување на јавни манифестации, собири и празнувања, пред предстојниот празник „11-Октомври„-Денот на востанието на македонскиот народ и Денот на борецот, детално се расчистува просторот на Спомен-паркот на паднатите борци.

Од тековните активности го издвојуваме континуираното чистење на градскиот кеј и крајбрежниот појас на потегот од градското пристаниште до Холандскиот Парк од натоложен окрек, реса и друг комунален отпад.

Ј.П.„Охридски Комуналец„ ги започна активностите за уредување на просторот кој се наоѓа во непосредна близина на сообраќајната клучка на влезот во Охрид- левата страна од ул „Железничка„ во насока на магистралниот правец Охрид-Скопје.

Овој простор зафаќа голема површина и во првата фаза со специјална механизација ќе се изврши рамнење на теренот и отстранување на неуредната вегатација, а во втората фаза ќе се изврши хортикултурно уредување на просторот со засадување на цветни садниици и декоративни грмушки.

Екипите на „Паркови и зеленило„ , согласно „Програмата за одржување на Јавно зеленило за 2014 год.„ , ги реализираат зацртаните редовни и вонредни активности на територијата на општина Охрид и приградските населби. Хортикултурно е уреден паркот во близина на мини-трговскиот центар „Гранит„ на „Булевар Туристичка„. Просторот е ограден со бетонски граничници, нанесен е плоден слој земја и засадени се 30 декоративни грмушки.

Во делот на одржувањето на јавното зеленило уредени се крошните од неколку дрвја во училишниот двор на О.У.„Христо Узунов„ ,

отстранети се гранки и друга вегетација која го попречуваше нормалното движење на пешаците по тротоарот на ул „Сирма Војвода„ во близина на Ј.З.У.„Општа болница„-Охрид.

Во приградските населби се уредуваше јавното зеленило во с.Велгошти каде се отстрануваа гранки и вегетација покрај коловозот на ул.„Илинденска„ и се расчистуваше дел од речното корито на Велгошка Река.