Денес екипите на Ј.П. “Охридски Комуналец”  уште од раните утрински часови  спроведуваат активности за чистење на мермерниот плочник од чаршијата.

Чаршијата се чисти на потегот од плоштадот „Св.Климент Охридски„ до плоштадот „Крушевска Република„ кај Чинарот. Ангажирани се 7 комунални работници кои рачно со специјални шпакли ги расчистуваат наслагите на плочникот, а паралелно  се врши и миење со цистерна.

По налог на Секторот за комунални дејности, сообраќај и улици  Ј.П.„Охридски Комуналец„ денеска спроведе акција за расчистување на дивата депонија на плажата Лабино лоцирана во делот под карпите. Поради непристапноста на теренот акцијата се спроведуваше со помош на чамец и беа ангажирани 7 комунални работници.

Подигнатиот отпад со чамец е транспортиран до Грашница, а потоа со специјално комунално возило е соодветно депониран.

По налог на секторот за комунални дејности, сообраќај и улици денес се изврши чистење на неколку локации на територијата на општина Охрид. Се чистеше на потегот од кружниот тек кај ул.Јане Сандански  до кружниот тек на пресекот на ул.Марко Цепенков со ул.Момчило Јорданоски. Се расчистуваше расфрлан комунален отпад, кабаст отпад како и поголема количина на градежен шут.
Се расчистуваше и наспроти влезот на црквата Св.Ѓорѓија и се подигна поголема количина на градежен шут и се изврши порамнување на просторот со градежна машина.
Се работеше и на потегот од населба Видобишта до с.Рамне од расфрлан комунален отпад, градежен шут како и кабаст отпад.
Во овие акции беа ангажирани општи работници, градежна машина како и возило кипер и беа подигнати и отстранети 16м3 отпад.

Оглас за прибирање понуди

Се известуваат сите физички и правни лица на територијата на општина Охрид дека Ј.П.„Охридски Комуналец„ Охрид врши продажба на основни средства-возила како старо железо:

Ве молиме отворете на линкот подолу:

Oglas za pribiranje na ponudi

После успешно завршената акција за расчистување на магистралниот пат Охрид-Св.Наум, денес се пристапи кон расчистување на магистралниот пат Охрид-с.Подмоље. Акцијата започна во 5 часот при што се ангажирани 10 комунални работници.

Во изминатиов период во 3 наврати се изврши расчистување на патот кој води до с.Велестово од расфлан комунален отпад, но повторно истата слика. Расфрлан отпад од најлонски ќеси и хартија на сите свиоци каде што застануваат граѓани и туристи и покрај тоа што се поставени информативни табли за забрана на фрлање на отпад.
Денес повторно се расчистува истиот патен правец. Со оваа акција покрај расчисувањето сакаме да влијаеме на несовесните групи граѓани и поединци за подигнување на еколошката свест.

Ј.П. “Охридски комуналец” изврши уредување на спомен паркот на загинатите бугарски туристи во 2009 год. каде денес ќе се изврши положување на цвеќе од страна на бројни делегации.

Тековно се чисти крајбрежјето на потегот од пристаниште до хотел “Милениум” секој ден од алга која е во фаза на распаѓање.

По завршувањето на главната туристичка сезона Ј.П.„Охридски Комуналец„ од денеска повторно спроведува широко-опфатна акција за подигнување на расфрланиот ситен комунален отпад покрај коловозот на магистралниот пат Охрид-Свети Наум.

Акцијата се одвива етапно по целата должина на овој патен правец , ангажирани се 10 општи комунални работници и ќе се реализира и во наредните денови.

Иако се работи за магистрален пат и расчистувањето не е во наша надлежност, во интерес на граѓаните, туристите и престојниот маратон кој ќе се реализира во празничниот викенд, нашите служби ќе го подигнат сиот отпад кој несовесните граѓани го оставиле зад себе.

Се известуваат сите физички и правни лица на територијата на општина Охрид дека Ј.П.„Охридски Комуналец„-Охрид врши продажба на стара отпадна хартија.

Ве молиме отворите на линкот подолу:

IMG_20190823_0001

Службите на Ј.П.„Охридски Комуналец„ извлекоа потоната педалинка од водите на Охридското Езеро на потегот помеѓу  Горица 2 и Горица 3. Поради непристапноста на теренот активноста се спроведе од чамец .

Реакција на ЈП „Охридски Комуналец“ на прес-конференцијата на ОК на ВМРО-ДПМНЕ

15.08.2019 (четврток)

Почитувани господа од ВМРО-ДПМНЕ, Вашите прес конференции со кои секојдневно сакате да го привлечете вниманието на јавноста се неосновани и ја покажуваат само Вашата очајна цел за собирање евтини политички поени.

Доколку бевте навистина загрижени каде се трошат парите на граѓаните, преку Законот за пристап до информации од јавен карактер можевте да добиете детална слика за финансиската конструкција на расходите за репрезентација.

Во однос на прозивките дека директорот на јавното претпријатие, неколкукратно ги зголемил своите расходи за репрезентација, сакаме да потенцираме дека дури 80% од износот кој е потрошен за репрезентација е врз основа  на одлуката на Управниот одбор на претпријатието, да се исплатат 51.000 денари за традиционалната „Комуналијада“  и обезбедување на храна за работниците, кои работат прекувремено во лето и зима. Имајќи ги во предвид меѓучовечките односи, колегијалноста и коректниот однос, раководниот тим на ЈП „Охридски Комуналец“ секогаш е насочен кон обезбедување на подобри услови за работа на вработените.

Во времето кога со претпријатието управуваше Локалната власт на ВМРО-ДПМНЕ, обезбедувањето на храна за работниците и  мотивациониот „Тeam building“ беше мисловна именка. Дека ова раководство се грижи за вработените, покажува и фактот дека после долго време, претпријатието повторно исплати К-15 за сите вработени.

Во интерес на граѓаните, кои најдобро знаат да проценат што е лага, а што е вистина, ќе споделиме низа факти и бројки, кои се далеку од недомаќинско и неодговорно работење на раководниот тим на ЈП „Охридски Комуналец“.

Со правилно менаџирање на финансиите и основните средства и покрај наследените долгови во 2018 година, ЈП „Охридски Комуналец“ издвои сопствени средства за инвестиции во вредност 9 милиони денари за основни средства, компјутерска опрема, специјални возила и алати. Набавени се две специјални возилаод 22 м3 за собирање на комунален отпад, едно возило „ман-кипер“, набавен е „мулчер“ со кој во голема мера е олеснато косењето и одржувањето на  големи зелени површини, набавена е професионална машина за миење на возилата, трактор за косење на  мали парковски  површини, електромотор за наводнување и тримери за косење.

Важно е да се нагласи дека во насока на подигнување на капацитетот и подобрување на услугите, за потребите на ЈП „Охридски Комуналец“  Општина Охрид преку кредитна линија од Светска банка набави 7 специјални комунални возила. Две возила за собирање на комунален отпад со надградба со капацитет од 3м3, две возила за собирање  на комунален отпад со надградба со капацитет од 8м3, едно возило за собирање комунален отпад со надградба со капацитет од 20 м3 за собирање и транспорт од контејнери за отпад, едно возило за миење улици-цистерна со капацитет од 8.000 литри и едно специјално возило-трактор.

Исто така ЈП „Охридски Комуналец“ во целост го исплати долгот на претпријатието кон „Охридска Банка“ во износ од 3 милиони денари, а врз основа на вонсудски спогодби исплатени се околу 6 милиони денари, при што има заштеда од камати од 600.000 денари.

По сето ова што е изнесено, следуваат прашањата – Зошто ВМРО-ДПМНЕ во времето на нивното локално владеење не се насочи кон инвестиции и  мерки за подобрување на работењето на ЈП „Охридски Комуналец“. Токму затоа остануваат само популистичките прес-конференции без споредба за сработеното од минатиот менаџерски тим.

Со почит,

ЈП „Охридски Комуналец„

Директор Љупчо Грданоски