Ј.П.„Охридски Комуналец„ спрoведува низа активности за подигнување на јавната чистота на плажите кои не се под концесија. Во таа насока на плажите кај локалитетите Горица 3 , Славија и Свети Стефан, плажата после х.Метропол до Лагадин и  кај плажата Атлантис  се поставени канти за депонирање ситен отпад.

Денес темелно се расчистуваше и хортикултурно се уредуваше плажата локалитет Горица 3, а со овие активности ќе се продолжи и по останатите плажи.

Ј.П.„Охридски Комуналец„ Охрид објавува Оглас за издавање под закуп на деловни простори кои се наоѓаат на кат во зградата на Градски пазар во Охрид и тоа:

ве молиме отворете на линкот подолу:

Scan_20210520

Ј.П.„Охридски Комуналец„ Охрид објавува Оглас за издавање под закуп на деловни простори кои се наоѓаат на кат во зградата на Градски пазар во Охрид и тоа:

ве молиме отворете на линкот подолу:

zakup

Ј.П.„Охридски Комуналец„ Охрид објавува Оглас за издавање под закуп на деловни простори кои се наоѓаат на кат во зградата на Градски пазар во Охрид и тоа:

ве молиме отворете на линкот подолу:

Scan_20210407

Екипите на “Паркови и зеленило” спроведуваат низа активности за освежување на зелените површини по ул.”Булевар Туристичка” и ул.”Партизанска”. Дрворедите се прихрануваат со минерално ѓубриво, се расчистуваат граничниците покрај коловозот, се засадува цветен расад и хортикултурно се уредува бетонската жардињера по ул. “Булевар Туристичка”.

Продолжуваме со несмален интензитет со активностите за расчистување на снежната покривка од коловозите и јавните површини со цел да обезбедиме  непречено движење на возилата и пешаците, како во централното градско подрачје, така и во приградските населби. Пристапите до институции, пешачки патеки,  премини и острови , чаршијата, кејот, стрмни улици  и други површини се посипуваат со абразивни средства. Нашите екипи со сета расположива механизација се трудат да делуваат во  секоја урбана заедница, а голем придонес можат да дадат и самите граѓани и правни лица доколку сами ги исчистат пристапите до своите домови и објекти.

Оперативните служби на Ј.П.„Охридски Комуналец„ се на терен уште од саботата утрото. Снежната покривка од јавните површини, сообраќајни површини, пешачки патеки, приоди кон витални објекти и институции се расчистува со сета расположива механизација и ресурси. Денес се ангажирани околу сто вработени но поради обилните врнежи и сувиот снег  снежната покривка повторно се формира. Се делува со специјални ножеви за ринење на снегот, со десет рачни дувалки ,  а потоа површините се посипуваат  со абразивни средства. На тесните и скалести приоди рачно се расчистува снегот, а согласно Програмата за зимско одржување приоритет им се дава на улиците од повисока категорија каде пристапот е отежнат.

Воедно ги потсетуваме граѓаните и правните субјекти за нивната законска обврска согласно Законот за јавна чистота дека сами треба да си го исчистат просторот и пристапот до нивните објекти. Исто така апелираме до граѓаните возилата да ги дислоцираат од главните сообраќајници за да може специјалната механизација непречено да го расчистува снегот.

Деновиве екпите на Ј.П. “Охридски Комуналец” имаат полни раце работа со расчистување на отпадот што езерските води го исфрлаат по крајбрежјето и кејот. Секојдневно се подигаат огромни количини тешко разградлив отпад (пластична и картонска амбалажа,  најлон кеси, лименки и др.)  што надојдените реки ги носат со себе, како и  наноси од трска, реси и муљ кои силниот ветар од јужен правец ги исфрла на кејот.  Во наредните денови ќе се продолжи со исто темпо, со цел  одржување на јавната  чистота на градскиот кеј и пристаништето на највисоко ниво.

Согласно поволната  временска ситуација, сончеви денови и повисоки температури, Ј.П.„Охридски Комуналец„ викендов (петок, сабота и недела) спроведува акција за машинско миење на сообраќајниците во градот. Целта на овие активности е да се подобри хигиената на јавните површини и да се  отстранат абразивните средства кои беа употребени за зимското одржување.

Согласно Програмата за работа за 2021 год. во наредниот период нашето претпријатие континуирано ќе ја реализира оваа активност во зависност од потребите и временските услови.

Оперативните служби на Ј.П.„Охридски Комуналец„ со полни раце работа после паднатиот снег. Се санираат крошните од дрворедите по ул.„Партизанска„ и „Булевар Туристичка„, дел од гранките се отстрануваат, а другите се санираат. Исто така се уредува шумскиот дел покрај скалите кои водат до Спомен-паркот на револуцијата каде голем број гранки се скршени под тежината од снегот.

Согласно законските обврски кои ги има Ј.П.„Охридски Комуналец„ околу одржувањето на јавните површини во зимски услови и  „Програмата за зимско одржување на територијата на општина Охрид”  на повеќе локации во градот и руралните места  депонирани се вреќи со сол и ризла кои нашите служби и жителите можат да ги користат превентивно за справување со голомразица и снежни врнежи и тоа: „Стар Град„, У.З.„Гоце Делчев„ ( бараки), ул.„Питу Гули„, , ул„Јане Сандански„ (пункт „Мини маркет„), по сите воспитно-образовни институции на територијата на општина Охрид, покрај фреквентните сообраќајниции и руралните подрачја кои се наоѓаат на поголема надморска висина и  тоа:  с.Елшани , с.Долно Коњско, нас.Исток, с.Рача, с.Рамне, с.Велестово, с.Куратица и с.Велгошти. Екипирани се сите дежурни служби, механизација, набавени се абразивни средства и дефинирани се улиците по кои ќе се делува според приоритет.