Ј.П.„Охридски Комуналец„ со бројни активности во изминатава недела беше присутен на многу локации во Охрид. Хортикултурно се средуваше сообраќајната клучка на влезот во Охрид од магистралниот пат Скопје-Охрид.

Темелно се расчистуваше од ниска вегетација осветлениот грб на општината со стрелката која насочува кон Охрид, како и околниот простор каде се искоси тревата и расчисти просторот.

Исто така хортикултурно се уреди кружната сообраќајница на влезот во Охрид кај нас.Даљан.

 Согласно Програмата за вонредни активности за 2014 год се изврши расчистување на сливните шахти вдолж „Булевар Туристичка„и генерално отстранување на тревната вегетација околу граничниците заради планираната активност на локалната самоуправа за фарбање на граничниците.

По повод 24.мај, Денот на сесловенските просветители хортикултурно се уреди просторот околу споменикот на Светите Кирил и Методиј.

Замената на постоечкиот дрворед од липи по ул.„Партизанска„ се докажа како неминовност, а главниот аргумент се пресечените стебла кои во изминативе два дена беа отстранети на потегот од поштата до полигонот. Стеблата се многу стари, во целост иструлени и заболени, па при посилни ветрови и обилни врнежи од дожд и снег може да дојде до кршење на гранките, а последиците би биле непроценливи.

                                  иструлено стебло од липата пред поштата

                         иструлено стебло од липата пред „НЛБ Тутунска банка„ 

Деградираните стебла од липи се во фаза на одмината старост и век на живеење и претставуваат опасност по пешаците, сообраќајот и околните објекти. Со своите длабоки и широки корења го деформираат тротоарот, асфалтот и подземната инфраструктура.

Ј.П.„Охридски Комуналец„ не врши уништување на зеленилото во градот туку само замена на постоечкиот многу стар дрворед. Тоа еднаш мора да се случи, а колку побрзо тоа подобро, што е во интерес на сите граѓани.

                           засадено првото стебло лигуструм на „Партизанска„ 

Реконструкцијата на дрворедот е сложена операција која се изведува во повеќе фази со која ќе се засадат декоративни лигуструми кои се отпорни на временски промени, аерозагадувања и заболувања и немаат длабок корен.

                   координација за понатамошните активности за замена на дрворедот

Ј.П.”Охридски Комуналец” ги известува граѓаните на општина Охрид дека од понеделник-19.05.2014 год. започнува со реконструкција на дрворедот по ул.„Партзанска„. Постоечките дрвја на оваа улица ќе бидат заменети со украсни дрва од видот лигуструм. Искуството со дрворедот по ул.„Димитар Влахов„ покажа дека овие дрвја кои имаат декоративен изглед се отпорни на временски промени, аерозагадувања и заболувања и немаат длобок корен.

Заради тоа упатуваме барање и апел до граѓаните да не ги паркираат своите возила на ул „Партизанска„ во времетраење од 06.00час-12.00час по следната динамика:

* понеделник -19.05.2014 год. : потег Пошта-Факултет „Св.Апостoл Павле„;

* вторник -20.05.2014 год. : потег Факултет „Св.Апостoл Павле„-Полигон;

* среда -21.05.2014 год. : потег Полигон- Католичка црква;

* четврток -22.05.2014 год. : потег Католичка црква-Комерцијална банка.

Доколку заради објективни причини настане промена во динамиката на замената на дрворедот граѓаните ќе бидат благовремено известени.

Ј.П.”Охридски Комуналец”-Охрид ги известува граѓаните на Општина Охрид  дека  на ден 17.05.2014 год.(сабота) ќе организира акција за подигнување    на   кабаст   отпад  (душеци,  стар мебел,   телевизори, шпорети, теписони и др.) У.З.8 „Билјанини Извори„.

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Ј.П.„Охридски Комуналец„    постави   15   нови корпи за ситен отпад вдолж градскиот  кеј, на   потегот од   градското   пристаниште   до Холандскиот     Парк.     Овие    корпи    се    добиени со   донација    од АД.„Пакомак„-Скопје. Ј.П.„Охридски Комуналец„ има долгогодишна соработка со АД.„Пакомак„-Скопје  во   доменот на  селектирање на амбалажниот    отпад ,    односно     пластичниот     отпад,   хартиени отпадоци и лименки, со што се минимизира негативното влијание врз животната средина и се подигнува степенот на еколошката култура.

Новите корпи за ситен отпад се состојат од два садови за депонирање отпад и  пепелник  за  цигари:   едниот   сад   е   наменет за селекција и депонирање на пластични шишиња и лименки (овој сад е затворен со посебен   отвор на   горниот дел)   и   отворен   сад   за   депонирање на останатиот ситен отпад.    

По налог на општинскиот инспекторат Ј.П.„Охридски Комуналец„ изврши расчистување на просторот во населбата „Крум Точко„, на потегот кај река Грашница,  Лабино и  станбените   објекти во оваа населба. Просторот   се    расчистуваше   машински бидејќи   беше обраснат   со   различни   видови   високи   билки со трње,   трева    и депониран отпад. Целата    вегетација е   отстранета и просторот е расчистен.    

Ј.П.„Охридски Комуналец„ започна со реализација на втората фаза од уредувањето на бетонската жардињера на ул.„Железничка„ , на потегот од кружниот тек на ул. „15-ти Корпус„ до сообраќајната клучка на влезот во Охрид. Во првата фаза жардињерата беше исполнета со земја, а сега во втората фаза во која жардињерата хортикултурно се уредува, се дополнува со површински слој од плодна хумусна земја и се засадуваат декоративни зимзелени грмушки од видовите: пироканта, вибрунум, берберис и др.

 Нашите активности се одвиваат синхронизирано со МЈП.„Проаква„ , кои го поставуваат системот за автоматско наводнување по принципот „капка по капка„.  

             Ј.П.”Охридски Комуналец”-Охрид ги известува граѓаните на Општина Охрид дека на ден 10.05.2014 год.(сабота) ќе организира акција за подигнување на кабаст отпад (душеци, стар мебел, телевизори, шпорети, теписони и др.) во реонот опфатен со границите на улиците „Македонски Просветители„ , „Партизанска„ , „Димитар Влахов„ , „Кеј Маршал Тито„ и населба „Охридати„.

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Во рамките на активностите за одржување на јавната чистота и јавното зеленило кои се спроведуваат согласно Програмата за работа за 2014 год., деновиве Ј.П.„Охридски Комуналец„ реализира голем број вонредни активности во централното градско подрачје и приградските населби.

Заради попречениот тек на водата од река Сушица, се расчистува речното корито од ниската вегетација во близина на ул.„Булевар Туристичка„. Речното корито се расчистува рачно од високо израснатите треви и натрупаниот отпад, со што ќе се овозможи непречен протек на речните води.

Заради одбележувањето на „9-ти Мај„- Денот на победата над фашизмот, денес се расчистува потегот од бензиската пумпа кај „Билјанини Извори„ до спомен паркот на Револуцијата. Оваа активност се реализира по барање на локалната самоуправа.

Во теков на изминатите денови хортикултурно беше уреден и дворот на основното училиште во с.Велгошти и просторот околу спортската сала и јавните површини во с.Лескоец.

Ј.П.„Охридски Комуналец„ реализира уште една акција за чистење на крајбрежниот појас под Охридското Кале, при вливот на реката Грашница во Охридско Езеро. Иако вакви акции се реализирани во повеќе наврати во изминатиов период, сликата на крајбрежниот појас и по течението на реката Грашница останува непроменета, по многу краток период по реализираната акција. Речните води со себе носат огромни количини отпад, во најголем процент пластични шишиња, најлон кеси и картонски амбалажи, а со тоа претставуваат опасност и потенцијални загадувачи на Охридското Езеро.

И во овој случај Ј.П.„Охридски Комуналец„ ќе го расчисти овој потег и ќе се подигне натрупаниот отпад, но апелираме до граѓаните за поголема еколошка свест, што е во интерес на сите граѓани и одржливиот развој на туризмот.