Акцијата за расчистување на локални патишта вчера и денес продолжи во населбата “Гоце Делчев” (бараки). Екипите на “Паркови и зеленило” при Ј.П. “Охридски Комуналец” ги расчистуваа гранките и трњето покрај улиците, кои ја попречуваа прегледноста за возилата и безбедноста за пешаците, и се уредуваше паркот на влезот од населбата. Ангажирани беа 8 работници, а беа собрани и транспортирани околу 17 кубици зелен отпад.

Покрај тековните активности, екипите на  “Јавна хигиена” при Ј.П. “Охридски Комуналец”, беа вонредно ангажирани на делот кај “Горица 3” и блиската парк шума, каде што беа расчистени големи количини на комунален отпад. Ангажирани беа 10 работници и беа собрани околу 30тина вреќи на отпад.

По налог на комуналната инспекција во текот на вчерашниот ден екипите на “Јавна хигиена” при Ј.П. “Охридски Комуналец” чистеа на ул. “Марко Цепенков” во близина на градската болница и под бараките во близина на игралиштето. Ангажирани беа 8 работници, а беа подигнати околу 15м/3 отпад. Денес беа ангажирани 10 работници на расчистување на потегот од с. “Косел” до “Прентов мост”, каде што беа подигнати околу 60 вреќи на отпад.

По налог на Локалната самоуправа, денес, јавните претпријатија во координирана акција започнаа со отстранување на шутот и трњата на просторот кај реката “Грашница”. Дел од екипите на “Паркови и зеленило” при Ј.П. “Охридски Комуналец” се активирани во уредувањето со рачно отстранување на гранките и трњата, каде што ќе поминува пешачката патека.

По налог на Комуналната инспекција и по барање на жителите, вчера и денес дел од екипите на “Паркови и зеленило” при Ј.П. “Охридски Комуналец” беа ангажирани во с. “Ливоишта”. Се расчистуваше каналот од зголемената вегетација на трње и зеленило и се уредуваше зеленилото покрај главната улица со цел побезбедно движење на возилата. Друг дел од вработените беа ангажирани на уредување на дрворедите на ул. “Димитар Влахов”. Ваквите активности се неопходни за подобрување на хортикултурното уредување на јавните површини и за подобрување на условите за движење на пешаците.

Денес по налог на комунална инспекција, согласно програмата за вонредни активности на Ј.П. “Охридски Комуналец” во делот на “јавна чистота” се изврши багеровање на езерскиот дел кај хотел “Милениум” од наноси на муљ, распадната алга и трска. Беа ангажирани специјално возило ИЦБ и камион кипер, при што беа подигнати, транспортирани и депонирани околу 30м/3 муљ. Исто така дел од екипите на “Јавна хигиена” беа ангажирани на расчистување на делот од коритото од реката во населбата “Рача”, под пешачката патека, каде што се влева во езерото. Поради непристапноста на теренот за багер, беа ангажирани 4ца работници за рачно расчистување на наноси од земја и песок, со цел да се овозможи слободен тек на водата која ќе надојде во пролетните месеци поради топењето на снегот.

Акцијата за расчистување на локални патишта по налог на Комунална инспекција продолжува. Во текот на вчерашниот ден екипите на “Паркови и зеленило” при Ј.П. “Охридски Комуналец” беа ангажирани за расчистување на неколку улици во с. “Коњско”. Беше отстранета вегетацијата од гранки од дрвја, трње и диви жбунови со цел да се овозможи подобра прегледност на возилата кои циркулираат на тој дел. Денес акцијата продолжи и во нас. “Рача”, на патот кој води према плажите (наспроти вилата “Александар”).

Во изминатиот период екипите на “Јавна хигиена” при Ј.П. “Охридски Комуналец” работеа на отстранување на абразивните средства (сол и песок), кои беа фрлени во големи количини поради ладните температури и врнежите од снег. Ангажирани се сите вработени на “Јавна хигиена” при што се започна со чистење од центарот према периферијата на градот.

Во текот на вчерашниот ден, како и денес, екипите на “Паркови и зеленило” при Ј.П. “Охридски Комуналец” работеа на расчистување зараснатите тротоари на улицата “Марко Цепенков” на потегот од инфективното одделение до кружното на пресекот со ул. “Момчило Јорданоски”. Беа ангажирани четворица работници, при што отстранети се делови од зелената жива ограда, гранки од дрвја и  диви жбунови  од приватните имоти кои го попречуваа движењето на пешаците  и ја попречуваа видливоста на сообраќајните знаци. Во текот на наредните денови акцијата ќе продолжи и во стариот дел на градот кај охридското “Кале”, во населба “Исток”, на ул. “7ми Ноември” и по другите улици каде што ќе има потреба за истото.

Слабите врнежи од снег ова утро не ги спречија екипите на Ј.П. “Охридски Комуналец”, во соработка со координативното тело на општина Охрид, да започнат со украсување на центарот по повод претстојниот празник “Богојавление”. Украсени се канделабрите и пристаништето со бршлен и зеленика. Како и секоја година на градското пристаниште се донесени 20-тина тезги кои ќе послужат за служење со топла ракија и вино на самиот празник, кои исто така се украсени со бршлен. Поставени се заштитни огради на пристаништето и одредени се места каде што се поставени заштитни огради за лица со посебни потреби, како и за екипите за брзи интервенции при Црвениот крст. Во текот на утрешниот ден ќе биде поставена бина пред капетанијата и ќе се постават верски знамиња во чаршијата и пристапните патишта кои водат до пристаништето. Покрај овие активности дел од екипите беа ангажирани за рачно расчистување на снегот од тротоарите во раните утрински часови.

Продолжуваат активностите на Ј.П. “Охридски Комуналец” за расчистување на улиците и тротоарите од снег и мраз низ градот. Денес и вчера од раните утрински часови вработените на претпријатието беа ангажирани на попрскување на тротоарите со сол и песок по повеќе улици, со цел побезбедно движење на пешаците. Беа опфатени улиците: Јане Сандански, Питу Гули, 7ми ноември, Гоце Делчев, дел од бул. Туристичка и во стариот дел од градот. Покрај тие активности, дел од екипите се ангажирани за рачно чистење и отстранување на мразот по пешачките патеки со користење на казми и лопати. Во наредните денови ќе се продолжи со истите активности и по другите улици и патеки, каде што е отежнато движењето на пешаците.