Ј.П.”Охридски Комуналец”-Охрид ги известува граѓаните на Општина Охрид дека на ден 06.10.2020 год. (вторник) ќе организира акција за подигнување на кабаст отпад (душеци, стар мебел, телевизори, шпорети, теписони и др.) во с.Пештани.

Се молат граѓаните кои живеат во овој дел, доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Екипите на Ј.П.„Охридски Комуналец„ по завршувањето на туристичката сезона започнаа акција за расчистување на расфрланиот комунален отпад  покрај магистралниот пат Охрид-Св.Наум и зелениот појас помеѓу коловозните ленти. Акцијата ќе се одвива етапно поради должината на делницата, а искуствено  се планира да се соберат околку 300 вреќи отпад .

Секојдневно се превземаат вонредни активности за отстранување на флеките од плочникот од чаршијата и машинско миење.

Оглас за прибирање понуди

Се известуваат сите физички и правни лица на територијата на општина Охрид дека Ј.П.„Охридски Комуналец„ Охрид врши продажба на стара отпадна хартија.

Ве молиме отворете на линкот подолу:

oglas-stara-hartija

Одржувањето на јавната чистота на јавните површини и отворени простори заради обезбедување на здрава и чиста животна средина е приоритет во нашите секојдневни и вонредни активности. По завршувањето на екот на туристичката сезона екипите на Ј.П.„Охридски Комуналец„ спроведоа акција за рачно чистење на гумите за џвакање  од охридската чаршија. Активностите се реализираа од раните утрински часови за да се избегне френквенцијата на движење по чаршијата, како и заради пониските температури кога гумите полесно се отстрануваат од плочникот.

Во координација со локалната самоуправа денес Ј.П.„Охридски Комуналец„ спроведе акција за чистење на просторот помеѓу  кампот Љубаништа и реката Черава, простор кој изминативе два месеци беше злоупотребен од дивите кампери.

Сликите доволно зборуваат и немо сведочат за деградираниот простор и количеството отпад коe зад себе го оставија.

До кога несовесните граѓани од непотребната покуќнина и градежен шут ќе се ослободуваат секојдневно фрлајќи ги на јавни површини и локации кои се слика на нашиот град?

Секое утро паркинг просторот кај Горна Порта е претворен во мини-депонија . Сликите доволно зборуваат за нивото на еколошка свест на оние кои од својата покуќнина, градежен шут и зелен отпад се ослободуваат на овој начин. Оваа црна точка подолг временски период претставува проблем за Ј.П.„Охридски Комуналец„ и за таа цел e поставена и информативна табла за забрането депонирање на ваков вид отпад, но изгледа и таа е невидлива за прекршителите на Законот за јавна чистота.

Локацијата е исчистена, сиот отпад подигнат, но до кога? За надмининување на проблемот и санкционирање на прекршителите се планира  поставување на видео надзор.

Како последица на последните случувања со Еуростандард банка, Ј.П.„Охридски Комуналец„-Охрид ги известува граѓаните и правните субјекти, корисници на нашите услуги, дека нема да бидат во можност да извршат уплати на сметки и фактури за услугата подигнување, транспорт и депонирање на комунален отпад, како и други услуги на Ј.П.„Охридски Комуналец„-Охрид преку Македонска пошта.

На граѓаните и правните субјекти на располагање им ја нудиме електронската онлајн наплата без провизија, потоа наплата без провизија во нашиот наплатен центар лоциран во зградата на Градски пазар-Охрид, наплата преку отворање на траен налог , како  и на шалтерите од банките.

–  електронска наплата за физички лица                             www.eohridskikomunalec.com.mk

– електронска комуникација официјалeн   е-маил          ohridkom@t.mk

-контакт-форма на нашата веб-страна                              www.ohridskikomunalec.com.mk

дежурни телефони:

Дирекција:  ++389/46-263-325;   ++389/46-250-142;
Наплатна служба:  046-268-248
Механизација:  046-265-353
Паркови и зеленило:  046-250-142

Охрид го доживува врвот од туристичката  сезона-традиционално за Илинден огромен број посетители. Туристи од секаков ранг: пензионери кои уживаат во поволните климатски услови, фамилии кои сакаат да се одморат од напорните секојдневни обврски, млади кои сакаат да се релаксираат, но и млади кои во желбата за забава не ставаат граници и градот кој ни` служи на сите, го претвораат во депонија.

Нашите служби се максимално ангажирани 24/7 и се трудат Охрид секое утро да изгледа вака како што му доликува.

Утрово во координирана акција на екипите на Ј.П.„Охридски Комуналец„ и Планинската спасителната служба при Црвен крст-Охрид се спроведе расчистување на карпестиот и тешко пристапен дел околу Канео каде деновиве сите сме сведоци што се случува до раните утрински часови. Не останавме неми сведоци на расфрланиот отпад од младата популација која секоја ноќ ја деградираа оваа од бога дадена убавина и ја претвораа во депонија. Во заедничка соработка се подигна отпадот од локации каде активистите на Црвен крст со голем напор и пожртвуваност пристапуваа, каде некој претходно од чиста забава , во неколку минути, го става на испит она што со векови сме го создавале, нешто што е  препознатлив симбол во секоја фотографија која го прoмовира Охрид ширум светот.

Останува светот на младите, но останува и желбата младите да го сфатат значењето во нашите напори за зачувување на нашата околина и нашето културно наследство.

Во последните денови се` повеќе загрижува состојбата со јавната чистота на одредени фреквентни и автентични локации во стариот дел од градот. Имено  Канео, Антички театар , Лабино, Света Софија и Сараиште во доцните ноќни часови стануваат збиралишта за младата популација кои зад себе оставаат купишта ѓубре. За оваа состојба голем број реакции добивме и од локалното население  кое реагира на расфрланите пластични шишиња, отпадоци од храна , картонска амбалажа и др.

Апелираме до надлежните институции да се превземат мерки и санкции за надминување на оваа алармантна состојба. Нашите служби секојдневно го подигнуваат расфрланиот отпад но веќе следното утро сликите се повторуваат.

Екипите на Ј.П.„Охридски Комуналец„ поставија 15 нови садови за отпад со капацитет од 240 л. на фреквентни и лесно пристапни локации во стариот дел на градот ( на потегот од црквата „Св.Никола Геракомија„ до Горна Порта, по ул.„Цар Самоил„, ул.„Коста Абраш„ , ул.„Илинденска„ и Палошник).

Упатуваме апел до граѓаните да покажат поголема еко-свест, кантите да не ги уништуваат, отпадот правилно да се депонира и да не се расфрла отпадот околу кантите.