Поради зголемениот број на туристи и гости кои го посетуваат охридското крајбрежје ЈП „Охридски Kомуналец“ ги интензивира активностите за одржување на јавната чистота. Ангажирани се две цистерни за миење на улици, а како дополнување на тековните активности ангажирана е и метачка.

Со големата цистерна се врши миење на јавните површини согласно Програмата за работа, на локациите каде има поголема фрекфенција на луѓе и автомобили и на местата каде се одржуваат манифестации. Со малата цистерна се врши миење на површините каде пристапот е ограничен, односно потесни улици. Интензивно се врши и машинско метење на јавните површини, тротоари и коловози, со цел за одржување на јавната чистота на повисоко ниво.

Деновиве активностите на екипите на Паркови и зеленило се насочени во сезонското уредување на зелените површини со цветен расад од најразновиден вид и впечатливи бои .

Се разубавуваат градскиот парк, кружните сообраќајници и други зелени површини. Цветниот расад кој ќе ги краси парковите во летната сезона се` до доцна есен  е од сопствено производство од видовите: салвија, агератум, винка, импатиенс, сурфинија и хибридно џунџуле.

Ј.П.„Охридски Комуналец”-Охрид објавува Оглас за издавање под закуп на деловни простори што се наоѓаат на кат во зградата на Градски пазар Охрид и тоа:

-Деловен простор со површина од 8 м2 , месечна наемнина по м2  е 3 евра/м2

-Деловен простор со површина од 11 м2 , месечна наемнина по м2  е 6 евра/м2

-Деловен простор со површина од 28 м2 , месечна наемнина по м2  е 4 евра/м2

На линкот подолу може да се информирате за содржината на огласот:

огласпазар

Екипите на „Паркови и зеленило” со активности за пролетно освежување на зелената површина кај сообраќајната клучка на влезот во Охрид. Тековно се одржува тревната површина и хортикултурно се уредуваат цветните леи и декоративните грмушки.

Ј.П.„Охридски Комуналец”-Охрид објавува Оглас за издавање под закуп на деловни просторо кои се наоѓаат на кат во зградата на Градски пазар Охрид.

На линкот подолу може да се информирате за содржината на огласот:

IMG_20220411_0001

Деновиве се интервенираше на повеќе локации на крајбрежниот појас од Охридското Езеро. Подигнати се поголеми количини тешко разградлив расфрлан комунален отпад, трска и отстранета е дива вегетација.

плажа Грашница

плажа Канео и Потпеш

плажа Сараиште

На крајот од градскиот кеј , во близина на Холандскиот Парк, се интервенираше со специјална механизација за расчистување на муљ, трска и друг вид отпад од езерските води.

Екипите на „Паркови и зеленило” хортикултурно го уредија дворот на џамијата Емин Махмут.

Отстранета е дивата жбунеста вегетација, извршено е тековно одржување на тревната површина, зимзелените садници се декоративно обликувани и просторот е оплеменет со засадување на цветен сезонски расад. Активностите се реализирани по претходнo добиено барање.

По вчерашното невреме кое беше проследено со силен ветер, екипите на Ј.П.„Охридски Комуналец” се на терен на повеќе локации во градот со цел да се санира состојбата: се подигнуваат оштетени стебла, скршени гранки,  се расчистува кејот и крајбрежниот појас од наносите од разновиден отпад.

Дежурните екипи се во мобилна состојба за да се интервенира каде ќе има потреба.

Екипите на ЈП Охридски Комуналец Охрид денес извршија активности за расчистување на езерското крајбрежје од расфрлан отпад, поткастрување на дрворедите во градското подрачје а се помагаше и со носење земја на ул.”Македонски Просветители”.

  Ј.П.”Охридски Комуналец”-Охрид  на ден 30.03.2022 год.(среда) ќе организира акција за подигнување кабаст отпад (душеци, стар мебел, телевизори, шпорети, теписони и др.) во с.Пештани.

Жителите од ова село ќе имаат можност кабастиот отпад уредно да го депонираат на пристапни локации, најкасно до 07.00 часот на 30.03.2022 година  и претходно локацијата да ја пријават на дежурниот телефон 075-495-428, секој ден во неделата во периодот 07.00 часот-21.00 часот.

Денот на пролетта и екологијата 21-ви март, Ј.П.„Охридски Комуналец”-Охрид го одбележа со засaдување на нови садници на ул.„Јане Сандански”.

♻ ☘  Оплеменет е зелениот појас на ул.„Јане Сандански” со засадување на украсни грмушки од видот „лоницера”

Денес нашите екипи беа ангажирани во расчистување на дива депонија на ул.„Крали Марко”. Ангажирана е и специјална механизација во подигнување на енормни количини кабаст отпад, зелен отпад, градежен шут и расфрлан комунален отпад од околното населeние.