После шпицот на туристичката сезона продолжуваме со реализација на акции за подигање на кабаст отпад. Овие акции ги организираме според работниот календар за 2012 год.  и со него се опфатени различни населби во градот.   

          Ј.П.”Охридски Комуналец”-Охрид ги известува граѓаните на Општина Охрид дека на ден 01.09.2012 год.(сабота) ќе организира акција за подигање на кабаст отпад (душеци, стар мебел, телевизори, шпорети,теписони и др.)  во населба “”Стар Град”.

           Се молат граѓаните кои живеат на споменатите делови од градот доколку имаат ваков отпад да го извадат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да може Ј.П.”Охридски Комуналец”  благовремено да го подигне.

Градоначалникот Александар Петрески на вработените со муслиманска вероисповед во ЈП “Охридски Комуналец” им го честита празникот Рамазан Бајрам. Тој им се заблагодари што и за време на празникот тие ги извршуваа работните задачи со цел, Охрид да бида чист и натаму да го носи епитетот најчист и хултикултурно најуреден град во Република Македонија.

Денеска во просториите на Ј.П . “Охридски Комуналец” Охрид се одржа  прес конференција на директорот на јавното препријатие Сашо Алче каде одговорно и со спремна документација презентираше дека кривични пријави проотив него се пишуваат без никакви проверки, ниту со потврдени информации па ни со точни податоци за него.

Имено една од поднесените кривични пријави се однесува за лице В.Д. директор на Ј.П . “Охридски Комуналец”, а Сашо Алче е директор  веќе една година. Се поднесува кривична пријава за лице на возраст од 31 година, а директорот е на возраст од 41 година.

Се поднесува кривична пријава за злоупотреба на службено возило во Јануари, а возилото се купува и примопредава на Ј.П . “Охридски Комуналец”  на 15 Февруари.

Заради сево ова директорот на Ј.П . “Охридски Комуналец” Охрид поднесе кривична пријава за злоупотреба на службена должност и овластување против непознат сторител .

Гледај ВИДЕО од конференцијата

Директорот на Ј.П.„Охридски Комауналец„, Сашо Алче, во вторник 21.08.2012 год. 12.00 часот, во просториите на дирекцијата на јавното претпријатие, свикува прес-конференција, како реакција на обвинувањата кои изминативе денови ги пласираа некои електронски медиуми за поднесен посебен извештај за сторено кривично дело „послужување во служба„.   

Во текот на летнава сезона нашите служби максимално се ангажирани во одржувањето на јавната хигиена  и јавното зеленило, како во централното градско подрачје , така и во периферните делови, со ставање посебен акцент на туристичките населби. Но загрижува фактот што кај поединци еколошкиот  степен на развиеност е на најниско ниво и отпатод се расфрла каде ќе се стигне. Воопшто не се почитува Законот за јавна чистота, а недостасуваат и ригорозните казни на инспекциските служби и надлежните органи. По туристичките населби и плажите кои не се дадени под концесија посебен проблем претставуваат така наречените еднодневни туристи кои сиот отпад го оставаат зад себе. Апелираме дека е крајно време да проработи еколошката свест кај граѓаните  зошто негативниот впечаток кој го оставаат кај многубројните туристи,  не може никој да го исчисти, оставјќи само по себе трајни последици за идните генерации.

Денеска екипите на Ј.П.„Охридски Комуналец„ спроведоа акција за чистење на дива депонија создадена во туристичката населба Свети Стефан, наспроти Кардиолошкиот центар. Иако локацијата на оваа депонија е на приватен имот, во интерес на граѓаните и многубројните туристи, нашите екипи со специјална механизација го расчистија овој простор, при што.се подигнати  20 м3 разновиден отпад (градежен шут, пластика, зелен и друг вид отпад).

Нецел месец откако е ставено во функција кружното сообраќајно решение во близина на спортскиот центар „Билјанини Извори„ и откако Ј.П.„Охридски Комуналец„ хортикултурно го среди овој простор, истиот е  деградиран. Непознати сторители поминале на сред треванта површина со сообраќајно средство (најверојатно со џип) со што е уништена тревата, сезонското цвеќе и неколку украсни дрвца, а исто така се искршени и неколку украсни ќупови. Нашите екипи веднаш го санираа просторот и засадени се нови садници, но се прашуваме каков впечаток ќе остави овој немил настан кај многубројните туристи.

Во овој продолжен празничен викенд Ј.П.Охридски Комуналец веднаш излезе на терен за да се санира направената штета, но останува  ангажманот на другите надлежни органи кои треба да ги пронајдат сторителите и против истите да  се превземат соодветни мерки.

Покачувањето на цените нафтените деривати и електричната енергија претставува нов удар врз работата на комуналните претпријатија.  Обавувањето на секојдневните дејности на Ј.П.„Охридски Комуналец„ се базира на користењето на нафта, чија цена во неколку наврати е покачена во последниoв период.

 Заради одржување на поголем степен на хигиена во екот на туристичката сезона, динамиката на подигање на отпадот е зголемена, а исто така е опфатено и поширокото подрачје на градот и туристичките населби. Со тоа и трошоците на работењето се зголемени  за околу 10%.

Затоа бараме под најитно да се одржи средба помеѓу комуналните претпријатија, а во организација на АДКОМ (Здружение на даватели на комунални услуги на РМ), со цел да се спроведе иницијатива за намалување на цената на нафтата што ја користат јавните комунални претпријатија во РМ за износот на ДДВ и акцизата, како импути во цената на нафтата. За оваа иницијатива доставивме и писмено барање до АДКОМ.

Деновиве заради засилениот југозападен ветар и процесот на скапување на алгата, службите на „Јавна Хигиена„ имаат зголемени активности за расчистување на градскиот кеј и крајбрежниот појас од натрупаниот окрек. На потегот од градското пристаниште до холандскиот парк секојдневно се подигнува окрек (околу 3 м3) и реса (4 м3), пришто покрај рачното расчистување, се користи и специјално возило за чистење на септички јами, со кое окрекот директно се  вшмукува од езерските води. Активностите се извршуваат уште од раните утрински часови како не би им попречувале на прошетките на многубројните туристи.  

Продолжуваат најавените акции за расчистување на мини-депониите, расфрланиот отпад и косење на тревата на просторот околу магистралниот пат Охрид-Св.Наум.Моментално екипите на Јавна хигиена и Јавно зеленило го расчистуваат просторот Охрид-Пештани, а во наредните денови ќе се продолжи до Трпејца, Љубаништа и Св.Наум.

 Како што претходно објавивме, појасот околу магистралниот пат не е под наша надлежност, но по налог на Градоначалникот на општина Охрид, Александар Петрески, а во интерес на граѓаните и туризмот, Ј.П.Охридски Комуналец ги реализира овие акции.

По налог на Комуналната инспекција, денес екипите на Ј.П.„Охридски Комуналец„ го чистеа крајбрежниот појас во населба Даљан, на потегот од „Магнус„ до основното училиште Св.Климент Охридски во Даљан. Со овој простор стопанисува Министерството за одбрана, а е дадено на користење на Министерството за образование. На дел од просторот е поставен шанк, плажа со лежалки и други реквизити, но сепак никој не ја прифаќа обврската за одржување на хигиената на овој простор.

Акцијата започна во раните утрински часови, а беа ангажирани 8 општи комунални работници и 2 косачи.  Целиот просотр беше расчистен од наталожениот отпад (во најголем дел пластични шишиња и хартија), а тревата беше искосена. Во акцијата беа подигнати 10 м3 отпад.

Ј.П.„Охридски Комуналец„ ги известува граѓаните на општина Охрид, а посебно пчеларите, дека во ноќните и раните утрински часови помеѓу понеделник и вторник (24.07.2012 год.) ќе изврши прскање на дрворедите од липи на улиците „Партизанска„ и „Македонски Просветители„. Со прскањето ќе се третираат липите против лисна вошка со средството а.м.тиаклоприд 480 г/л. Се молат пчеларите да превземат соодветни превентивни мерки.