Во врска објавената вест на електронскиот медиум “Ohridnews” за мини-депонија која никна на ул.”Даме Груев”  сакаме да појасниме дека според динамиката комуналниот отпад  од овој реон се подигнува во вторник и петок, но заради туристичката сезона се подигнува секојдневно. Но кај посочената слика која беше објавена во веста јасно се гледа со какви проблеми се соочува нашето претпријатие. Сите влезови кои водат до контејнерите се блокирани од паркирани возила па нашите возила немаат никаков пристап. Но сепак, со вонреден ангажман на подигачите на отпад контејнерите се испразнети околу 20.00 часот и сиот отпад кој е депониран во тој ден е подигнат.    

Почитувани,

Во врска објавената вест на Вашиот веб-портал со наслов “Охриѓани се жалат на преполни контејнери”  од 24.07.2013 год. (среда), Ј.П.”Охридски Комуналец” ги демантира наводите во вашата објава. Имено, Ј.П.”Охридски Комуналец” и оваа туристичка сезона работи со максимална ангажираност на вработените и специјалните возила за подигање отпад. Проблемите, кои за жал многу тешко се искоренуваат, произлегуваат од несовесното депонирање на зелен отпад, кабаст отпад, како и отпад од хартија, кои се депонираат во контејнерите наменети за депонирање на комунален отпад. Со тоа контејнерите веднаш се преполнуваат и граѓаните не се во можност да го депонираат комуналниот отпад од домаќинствата.

 Што се однесува пак до новата динамика и начин на депонирање на комуналниот отпад за граѓаните од Стариот дел од градот, до нашето прептпријатие секојдневно пристигаат пофалби од граѓаните и локалите од овој дел од градот. Со дислоцирање на контејнерите во близина на хотелот  “Александрија” се дислоцира и дивата депонија која секојдневно тука се создаваше на ова најпрометно место.

За подигнување на степенот на хигиена  Ј.П.”Охридски Комуналец” оваа сезона поставува нови 100 контејнери на целото подрачје на општина Охрид. Поставени се 28 контејнери, денес на терен веќе се поставуваат уште 20, а преостанатите ќе се постават во наредните денови. Со оваа акција се заменуваат старите и дотраени контејнери, кои во зависност од состојбата ќе бидат темелно измиени, дезинфицирани и заменети тркалата. На овој начин ќе се зголеми  бројот на контејнери каде за тоа има потреба и каде во летниов период гравитираат поголем број туристи и викенд-гости.       

За да се подигне нивото на хигиена не е доволно една страна, потребно е и другата страна да ја почитува динамиката и начинот на депонирање на отпад.

Од 22.07.2013 год.(понеделник) екипите на „Јавна хигиена„ започнаа со секојдневно чистење на крајбрежниот појас на потегот од градското пристаниште до х.Палас. Во овој период од годината езерската алга е во процес на скапување и се натрупува покрај градскиот кеј па затоа по налог на Комуналната инспекција се превзедоа активности за расчистување на истата.   Покрај рачното расчистување се користи и специјално возило за чистење на септички јами со кое окрекот директно се  вшмукува од езерските води. Активностите се извршуваат уште од 03.00 часот рано наутро како не би им попречувале на прошетките на туристите.  

Во периодот од  24.06.2013 год. до  06.07.2013 год.  се изврши  генерално косење на селата и приградските населби во општина Охрид, каде беа опфатени селата Љубаништа, Трпејца, Пештани, Коњско, н.Исток, Св.Стефан, Рача, Велгошти, Лескоец, Косел, Горно и Долно Лакочереј, Подмоље и Велестово, а со цел да се олесни понатамошното одржување на хигиената.

Имајќи во предвид дека туристичката сезона е во полн ек Ј.П.”Охридски Комуналец” со својата организациона поставеност внесе новитет во работењето со тоа што ангажира лица за одржување на хигиената и плажите  по целото крајбрежје :

      *   секојдневно во:  с.Трпејца,   с.Пештани,  Лагадин и Св.Стефан;

      *   еднаш неделно во: с.Љубаништа, Коњско, н.Исток и Елшани.

Заради наметната потреба од повисок степен на одржување на хигиената и големиот број на манифестации кои се одржуваат во с.Велгошти, секојдневно се третира ова подрачје. Во селата Лескоец, Косел,  Горно и Долно Лакочереј, Подмоље и Орман динамиката на одржување на хигиената е еднаш неделно.

Се оствари средба со претставници од М.З.Велестово и јавното претпријатие им излезе во пресрет на нивните барања за косење, чистење и поставување на контејнери на пристапни локации.

Утрово околу 6.15 h двајца вработени во „Јавна Хигиена„, извршувајќи ги своите секојдневни работни обврски се нападнати од страна на две непознати лица. Едниот работник е нападнат на ул.„Никола Карев„ пред маркетот „Стоп Шоп„,  а потоа насилниците бегајќи го пресретнале другиот работник кој ги празнел корпите  за ситен отпад на ул.„Булевар Туристичка„ , во близина на Гимназијата, па го нападнале и него. Вработените од силните удари се здобиле со тешки телесни повреди и веднаш се пренесени во Општа болница-Охрид, каде им е укажана лекарска помош.

Случајот е пријавен во СВР-Охрид и очекуваме брзо пронаоѓање на насилниците и соодветни санкции.

Ј.П.Охридски Комуналец спроведе акција за расчистување на  диви депонии на четири  локации во нас.Свети Стефан (од плажа ‘Горица 3’ до поранешната детска болница). И оваа акција се спроведе по налог на Комуналната инспекција и се расчистуваше градежен шут, зелен отпад и комунален отпад, кој несовени граѓани и правни субјекти, чистејќи ги своите имоти, ги деградирале горе наведените локации. Ангажирана беше специјална механизација, 4 работници и подигнати се околу 30 м3 отпад.

Во интерес на туризмот и граѓаните, ниската еколошка свест на поединци, не смее да го нарушува имиџот кој го негува Охрид како наш најпознат туристички центар.

Веќе подолг период поголема група од деца го деградираат градскиот парк на потегот од х.Ројал до х.Милениум. Овој потег е хортикултурно уреден од страна на екипите на „Паркови и зеленило„ , засадено е сезонско цвеќе, украсни дрвца и поставени се декоративни земјени саксии. Но децата играјќи го злоупотребуваат просторот, ја оштетуваат тревата, ги кршат цвеќињата и дрвцата, а недоличното однесување кулминира со фрлање на ќуповите во езерските води.

Упатуваме апел до граѓаните, посебно до младата популација,  парковите се „душата„ на градовите и истите треба да се сакаат и негуваат, а не да се уништуваат.

За надминување на проблемот Ј.П.Охридски Комуналец побара асистенција од МВР.

По реакции на жители кои живеат во близина на оваа локација, а по претходно добиен налог од Комуналната инспекција, екипите на Ј.П.”Охридски Комуналец”  пристапија кон расчистување на просторот кој се наоѓа на ул.”Партизанска”, на потегот меѓу црквата “Св.Никола” и ФТУ-Охрид.

Просторот кој е во приватна сопственост беше целосно запоставен, целиот обраснат со трње, високи треви и коров.

За расчистување на просторот се работеше 3 дена, беа ангажирани  10 работници и специјална механизација. Извршено е отстранување на трњето, отстранети се сувите гранки, уредени се крошните од дрвјата и потоа со специјална механизација е израмнета земјата.

Ј.П.Охридски Комуналец веќе ја информираше јавноста дека во соработка со Н.У.„Охридско Лето,, од понеделникот започна акција за  расчистување на локалитетите каде ќе се изведува уметничката програма на овој реномиран фестивал. Во рамките на акцијата се изврши  етапно чистење на дворот од катедралнта црква Св.Софија, поширокиот реон од античкиот театар, летната сцена на Долни Сарај и дворот на О.У.,,Св.Климент Охридски,,.

                                                                                               Летна сцена ,,Долни Сарај,,   

                                                                                                                Локалитет Плаошник

                                                                                                              двор на црква ,,Света Софија,,

Со цел што подостојно да го претставиме Охрид пред светската јавност пред почетокот на најзначајниот културен настан “Охридско лето”, Ј.П.Охридски Комуналец спроведува широко-опфатна акција за чистење на локалитетите во стриот дел од градот каде ќе се изведува уметничката програма. Етапно се чистат локалитетите: Долни Сарај, Антички театар, Света Софија, дворот на О.У.Климент Охридски, пристапните патеки и сокаци. Се расчистува отпадот, хортикултурно се средуваат зелените површини и се метат јавните површини.

              Ј.П.”Охридски Комуналец”-Охрид ги известува граѓаните на Општина Охрид дека на ден 22.06.2013 год.(сабота) ќе организира акција за подигнување на кабаст отпад (душеци, стар мебел, телевизори, шпорети, теписони и др.)  во населба „Црногорци„ .

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Ј.П. “Охридски Комуналец” Охрид заедно со локалната самоуправа спроведе акција за чистење и средување на приградските населби и плажите кои не се дадени на концесија. Со акцијата се спроведува косење, метење и отстранување на комунален отпад.

Денес четврток 13.06.2013 се врши косење и чистење во Лагадин на плажите кои не се дадени на концесија на потегот од хотел Лагадин до автокампот Елешец.

Во предходните денови на 11.06.2013 се изврши средување на селото и плажите во с.Трпејца, а на 12.06.2013 во с.Пештани.

Во наредните денови ќе се изврши изврши уредување во с.Елшани,Лагадин,с.Коњско,нас.Исток,Св.Стефан и Рача.

Со лицата кои ќе бидат сезонски ангажирани за одржување на јавната чистота ќе можe полесно да се одржува високиот степен истата.