Пешачката патека на ул.„АСНОМ„ во населба „Охридати„ од денеска е санирана и повторно проодна за пешаци. Имено, физички лица бесправно имаа засадено повеќегодишни зимзелени дрвја на самата јавна површина, иначе пешачка патека, која веќе  подолг период беше вон функција и непроодна за пешаци. По налог на локалната самоуправа екипите на Комуналец извршија сечење на дрвјата и пешачката патека е ставена во функција.

              Ј.П.”Охридски Комуналец”-Охрид ги известува граѓаните на Општина Охрид дека на ден 21.09.2013 год.(сабота) ќе организира акција за подигнување на кабаст отпад (душеци, стар мебел, телевизори, шпорети, теписони и др.)  од населба „Билјанини Извори„.

          Се молат граѓаните кои живеат во споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Минатонеделната акција која се спроведе во централниот град на градот помина со одличен одзив и беа подигнати  8 м3 кабаст отпад.

Денеска екипите на Ј.П.Охридски Комуналец започнаа сеопфатна акција за чистење и уредување на У.З.„Радојца Новичиќ„. Овие активности се спроведуваат по неодамнешната остварена средба на Градоначалникот Бакрачески со претставници од оваа урбана заедница, каде граѓаните ги изнесоа и своите потреби од аспект на одржување на јавната хигиена и зеленило.

Со координирана акција на екипите на „Јавна хигиена„ и „Паркови и зеленило„ хортикултурно се уредуваат дрворедите покрај пешачките зони, се кастрат гранки, се коси тревата, темелно се чистат и метат тротоарите и граничниците и се подига расфрланиот отпад.

Со акцијата е опфатено и чистењето на речното корито на река Грашница, во близина на  ул.„Железничка„, каде е ангажирана специјална механизација.

Во наредниот период  Ј.П.Охридски Комуналец ќе ја продлабочи соработката со урбаните заедници и со вакви акции ќе биде присутен во секој дел од градот.

Од денеска продолжуваме со акциите за расчистување на расфрланиот отпад покрај магистралниот пат Охрид-Скопје, на потегот од сообраќајната клучка до општина Дебарца. На оваа делница покрај рачното расчистување на комуналниот отпад  кое се изведува со 10 комунални работници, се расчистуваат и мини депонии од градежен шут со ангажирање на специјална механизација. Поради несовесно и деградирачко однесување на поединци, во непосредна близина на коловозните ленти се создадени голем број мини депонии од градежен шут.

Изминатата сабота се заврши акцијата за расчистување на делницата Охрид -Св.Наум во должина од 30км. Собрани се и подигнати 320 вреќи  комунален отпад (пластика, хартија, лименки и др.).

              Ј.П.”Охридски Комуналец”-Охрид ги известува граѓаните на Општина Охрид дека на ден 14.09.2013 год.(сабота) ќе организира акција за подигнување на кабаст отпад (душеци, стар мебел, телевизори, шпорети, теписони и др.)  од реонот опфатен со улиците „Македонски Просветители„ , „Партизанска„ , „Димитар Влахов„ , „Кеј Маршал Тито„ и населба „Охридати„.

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

„Паркот на пријателство„ лоциран покрај пешачката патека канал „Билјанини Извори„-Горица 1, деновиве се реконструира од страна на екипите на „Паркови и зеленило„. Во паркот се поставува систем за наводнување со што трајно ќе се реши понатамошното одржување на ова парковско решение. Заради изведување на градежните работи привремено ќе бидат отстранети мермерните плочи кои го симболизираат збратимувањето и пријателството на Охрид со многу други градови од светот.

Со овој зафат ќе се стави во функција тековното одржување на „Паркот на пријателство„ до реализација на неговиот конечен изглед.

Екипите на Ј.П.„Охридски Комуналец„ денес спроведуваат акција за расчистување на натрупаниот муљ, трска и друг вид неразградлив отпад од езерските води во близина на Холандскиот Парк. Акцијата се изведува со багерување, со ангажирање на специјална машина ИЦБ, а се очекува да се подигнат околу 40 м3 муљ и друг вид отпад. Оваа активност се спроведува по добиен налог од комуналната инспекција, а ваквите акции на годишно ниво се изведуваат 4-5 пати, во зависност од потребите.

Иако туристичката сезона полека одминува, во интерес на граѓаните и ширење  позитивна еколошка свест и подигнување на степенот на заштита на животната средина, од денес започнавме нова акција за расчистување на расфрланиот отпад покрај магистралниот пат Охрид -Св.Наум. Акцијата, заради широкиот потег, ќе се одвива етапно, каде ангажирани се 10 комунални работници кои рачно го собираат расфрланиот отпад (хартија, пластика и др.) покрај магистралниот пат.

Од наредната недела со оваа акција ќе биде опфатен и магистралниот пат Охрид-Скопје, на потегот од сообраќајната клучка до општина Дебарца.

Од  оваа сабота започнуваме со есенскиот циклус на акции за подигнување кабаст и зелен отпад. Секоја сабота од месеците септември и октомври е резервирана за подигнување кабаст отпад, а во месец ноември ќе се подигнува зелен отпад. Со акциите етапно ќе бидат опфатени сите реони и населби од градот, за што граѓаните ќе бидат благовремено информирани преку нашата веб-страна и електронските медиуми. За динамиката со која се испланирани овие акции граѓаните можат да се информираат и од годишните календари.               

              Ј.П.”Охридски Комуналец”-Охрид ги известува граѓаните на Општина Охрид дека на ден 07.09.2013 год.(сабота) ќе организира акција за подигнување на кабаст отпад (душеци, стар мебел, телевизори, шпорети, теписони и др.)  од реонот „Стар Град„ .

          Се молат граѓаните кои живеат на споменатите делови од градот доколку имаат ваков отпад уредно да го депонираат најкасно до 10.00 часот  и претходно да го пријават во Р.Е.”Механизација” на тел.046/265-353 со наведување на локацијата, за да можат службите од Ј.П.”Охридски Комуналец”  благовремено да го подигнат.

Екипите на „Јавна Хигиена„  утрово од 5,00 часот се на терен и ги метат пристапните патеки, школските дворови и просторот околу градинките, основите и средните училишта во градот. Изминативе две недели, по налог на општина Охрид, генерално се чистеа и хортикултурно се уредуваа повеќето  дворови од образовните институции со чистење, косење, кроење на крошните од дрвјата, засадување на украсни садници и цвеќа.

На овој начин им посакуваме успешен старт во новата школска година  на нашата најмлада популација.

По барање на Ј.О.У.Д.Г.„Јасна Ристеска„ нашите екипи ги дотеруваат дворовите од градинките, како и просторот околу истите. Се работи на сите пет објекти од детската градинка при што се врши генерално чистење и хортикултурно средување: косење, метење, кроење на крошните од дрвјата, шишање на живата ограда и украсните садници.

Помагањето на образовните институции од нашиот град и поттикнувањето на еко-свеста кај нашата најмлада популација е важен сегмент во нашите зацртани годишни планови кои и во иднина ќе ги реализираме. 

 Пред почетокот на новата школска година, екипите на Ј.П.„Охридски Комуналец„  го средуваат дворот на  О.У.”Климент Охридски” во населба Даљан, просторот околу школото, пристапниот пат и крајбрежниот дел на Охридското Езеро во овој реон. Овој простор темелно се расчистува од натрупаниот отпад, теренот се израмнува со специјална механизација (ИЦБ), а ангажирани се 10 општи комунални работници.  Исто така се врши и хортикултурно уредување на просторот со косење на тревата, отстранување на жбуновите и трњето и се врши поткастрување на крошните од дрвјата. Според нашите проценки се очекува да се подигне 60м3 отпад.

Овие активности се спроведуваат по претходно добиен налог од „Комуналната инспекција„.