Екипите на „Паркови и зеленило„ деновиве интензивно работат на средување на зелените градски површини. Со овие активности се опфатени сите јавни зелени површини покрај сообраќајниците,  пешачките острови,   кружни текови, дворните места пред објектите за колективно домување, градскиот парк и рекреативните зони.

Се отстранува ниско-стеблеста вегетација од тротоарите и покрај граничниците од коловозите, а тревата се коси машински и рачно. Со овие активности од следната недела ќе бидат опфатени и селата и туристичките населби.