И во текот на денешниов ден екипите на Ј.П.„Охридски Комуналец„ спроведоа вонредни акции за расчистување на диви депонии на повеќе критични точки.

Во населбата „Даљан„ расчистени се диви депонии на 6 (шест)  микро локации каде несовесни граѓани депонирале градежен шут, кабаст отпад, зелен отпад  и најразличен комунален отпад.

расчистување на диви депонии во населба „Даљан”

По  барање на месното население и по добиен налог од Секторот за комунални дејности, сообраќај и улици, расчистен е каналот   на река Грашница по нејзиното течение на ул.„Бистрица„. Со помош на специјална механизација отстранети се грмушки, друга дива вегетација и натрупан отпад. Со овие мерки превентивно  се делуваше на каналот како не би дошло до излевање на водата при обилни врнежи.

Денешниов ден беше искоритен и за празнење на специјалните садови каде се депонира селектиран отпад од пластика и стакло.