Од денеска градскиот парк го краси дрвен воз кој 100% е сопствено производство на вработените од „Паркови и зеленило„ при Ј.П.„Охридски Комуналец„.

Во градскиот парк во близина на детското игралиште е формирано ново хортикултурно катче од дрвена композиција-воз во кој се поставени цветни жардињери и декорирано со украсен камен. Дрвениот воз е изработен од стеблата од дрвја кои се отстранети од различни критични точки на територијата на општина Охрид, а вработените со голема умешност истите ги издлабија и формираа уникатно дело.