Екипите на Ј.П. “Охридски Комуналец”, после силниот ветар во предходните два дена, започнаа акција за расчистување на кејот, на потегот од градското пристаниште до хотел “Милениум”. Се чистеше алгата (окрек и реса) и различен комунален отпад донесен од езерските бранови. Акцијата ќе продолжи и во другите денови, поради количината исфрлена на кејот, а истата се спроведува согласно програмата на Ј.П. “Охридски Комуналец” за вонредни активности, со предходно издаден налог од комуналната инспекција.